Монгол Улсын Ерөнхийлөгч Халтмаагийн Баттулга БНХАУ үүсэн байгуулагдсны 68 жилийн ойг тохиолдуулан тус улсын дарга Си Зиньпинд баяр хүргэсэн талаар “Синьхуа” агентлаг мэдээллээ. Ерөнхийлөгч Баттулга БНХАУ-Монгол Улсын хоорондох хамтын ажиллагаа сүүлийн жилүүдэд амжилттай өргөжин тэлж байна” гэж мэдэгджээ.

Си дарга хамтын ажиллагаа, хоёр улс олон салбарт найрсаг харилцаатай байгаа явдалд талархаж буйгаа Ерөнхийлөгч Баттулгад илэрхийлэн “Найрсаг харилцаа, эрх тэгш, харилцан ашигтай хөгжилд урт хугацааны дэмжлэг үзүүлж буйдаа баяртай байна” гэв.

Си Зиньпин өнгөрсөн 2014 онд Монгол Улсад төрийн дээд хэмжээний айлчлал хийсэн бөгөөд энэхүү айлчлалын хүрээнд хоёр улсын хамтын ажиллагаа улам сайжирсан хэмээн Ерөнхийлөгч Баттулга мэдэгдсэн байна.

“Харилцан ашигтай хамтын ажиллагаагаа өргөжүүлэх, хоёр улсын эрх ашиг болон бүс нутгийн хамтын ажиллагааг өргөжүүлэх шаардлагатай” байгааг Ерөнхийлөгч Баттулга онцлоод “БНХАУ-ын Засгийн газраас олгож буй үнэгүй тусламж, хөнгөлттэй зээл Монгол Улсын үндэсний хөгжлийн болон барилгын салбарт ихээхэн дэмжлэг үзүүлж байна. Хоёр улс харилцан бие биенийхээ үндсэн эрх ашгийг хүндэтгэх, цаашлаад хоёр улсын хоорондох бүрэн стратегийн түншлэлийг тасралтгүй нэмэгдүүлэх ажилд хамтран ажиллахыг тэсэн ядан хүлээж байна ” гэж мэдэгдлээ.

Монгол Улсын Ерөнхийлөгчийн мэндчилгээг хүлээн авч, талархаж буйгаа БНХАУ-ын Гадаад хэргийн яамнаас мэдээлэв.

Гадаад хэргийн яамны хэвлэлийн төлөөлөгч Лү Кан хэвлэлийн хурал хийх үеэр “Үндэсний баярыг тохиолдуулан олон орны төрийн тэргүүн нараас мэндчилгээ хүлээн авсны дунд Монгол Улсын шинэхэн Ерөнхийлөгч Халтмаагийн Баттулгын мэндчилгээ багтаж байна. БНХАУ, Монгол Улс бол найрсаг хөршүүд бөгөөд олон салбарт хамтран ажилладаг” гэж хэлжээ.

Б.Дэлгэрцэцэг