Монгол Улсын Ерөнхийлөгчийн 2017 оны 10 дугаар сарын 23-ны өдрийн 38 дугаар зарлигаар Эрчим хүчний салбарын инженер техникийн ажилтан, албан хаагчид Төрийн дээд одон медалиар энгэрээ мялаалаа. Эрчим хүчний салбарын түүхт 95 жилийн ойг тохиолдуулан салбартаа олон жил үр бүтээлтэй ажиллаж, мэдлэг оюунаа зориулсан эрхмүүдэд Сайд Ц.Даваасүрэн шагналыг нь гардуулж, баяр хүргэсэн юм.

Энэ өдөр “Монголын эрчим хүчний ассоциаци”, “Клин энержи” ХХК-ийн гүйцэтгэх захирал Ц.Сүхбаатар Хөдөлмөрийн гавъяаны улаан тугийн одон хүртэж, “ЭХХТ” ТӨҮГ-ын Ахлах инженер Ж.Төмөрхуяг Алтангадас одонгоор энгэрээ мялаав. Мөн Эрчим хүчний яамны мэргэжилтэн Л.Ариунжаргал, “ЭХЭЗХ” ТӨААТҮГ-ын судалгааны секторын ахлагч Ц.Болддорж, “ЭХЗХ”-ны мэргэжилтэн Н.Болормаа, “ДЦС II” ТӨХК-ийн ахлах монтёр С.Оюунчимэг, “Багануур дулааны станц” ТӨХК-ийн насосны машинч Г.Цэрмаа, “УБЦТС” ТӨХК-ийн ээлжийн ахлах монтёр Р.Эрдэнэбат, “ЦДҮС” ТӨХК-ийн засварын монтёр Б.Пүрвээ, “УБДС” ТӨХК-ийн засварын слесарь Д.Ичинхорлоо нар Хөдөлмөрийн хүндэт медалиар энгэрээ мялаав.

Эрчим хүчний сайд Ц.Даваасүрэн Төрийн дээд одон медаль хүртсэнинженер, албанхаагчдад баяр хүргэж, салбарынхаа түүхийг бичилцэж буй их үйлсэд нь амжилт хүслээ. 

ЭХ СУРВАЛЖ: http://energy.gov.mn