АНУ-ын Тагнуулын төв агентлаг өчигдөр алан хядах “Аль Кайди” бүлэглэлийн үүсгэн байгуулагч Осама бин Ладентай холбоотой “Бин Ладены номын сан” гэгдэх 470 мянга гаруй нууц материалыг дэлгэсэн талаар “www.dailymail.co.uk” сайт мэдээллээ.

Тус агентлагийн дарга Майк Помпео “эдгээр материалуудын тусламжтай түүнийг олж устгахаас гадна “Аль Кайди” бүлэглэлтэй тэмцэхэд дэмжлэг үзүүлсэн” хэмээн хэвлэлийнхэнд мэдэгдэв.

Вашингтоны 2014 онд баталсан Осама бин Ладеныг устгах нууц ажиллагаа холбоотой тагнуулын баримт материалыг нууцын зэрэглэлээс гаргах хуулийн дагуу дээрх материалуудыг ил болгожээ.

Нийтийн хүртээл болоод буй мэдээллүүдийн дунд Бин Ладены яриа, албаны хүмүүстэй уулзсан тэмдэглэл, түүний хувийн гэр бүлийн бичлэг болон хүүгийнх нь гэрэл зураг, хувийн мэдээлэл багтсан аж.

Эдгээр материалууд нь 2015 оны тавдугаар сараас хойш Тагнуулын байгууллагаас олон нийтэд дэлгэж буй гурав дахь тохиолдол билээ.

Б.Дэлгэрцэцэг