Сэтгэцийн эрүүл мэндийн үндэсний төвийн Донтох эмгэг судлалын клиникийн өдрийн эмчилгээний “Өөртөө туслах бүлэг”-ийнхэн хоёр дахь удаагаа архигүйгээр шинэ жилээ тэмдэглэлээ. 

Өдрийн эмчилгээний “Өөртөө туслах бүлэг” нь 2015 оны нэгдүгээр сараас үйл ажиллагаагаа явуулж эхэлсэн бөгөөд  энэ хугацаанд 700 гаруй хүнийг сэтгэлзүйн сургалтанд хамруулж, 350 гаруй нь архиныхаа асуудлыг бүрэн шийджээ. Түүнчлэн энэ хугацаанд архигүйгээр аялал зугаалга, уралдаан тэмцээн, явган алхалт, цуглаан хийж Хөвсгөл, Сэлэнгэ, Эрдэнэт, Дархан, Завхан, Төв аймгаар аялахын зэрэгцээ өөрсдөө бие даан олон үйл ажиллагаа зохион байгуулж, архигүй амьдралыг сурталчилжээ.  

Мөн тэд өөрсдийн энэ үлгэр дууриаллаар Монгол даяар архигүйгээр баяр ёслол тэмдэглэж хэвшихийг уриалж байна.

Р.Дулам