НҮБ-ын улс төрийн хэрэг хариуцсан орлогч нарийн бичгийн дарга Жэффри Фелтман Хойд Солонгос улсад ажлын айлчлал хийж буй билээ.
Хойд Солонгос энэ онд зургаа дахь удаагаа цөмийн туршилт хийхээс гадна хэд хэдэн удаа баллистик пуужин харваж, хөрш орнуудаа заналхийлсэн юм. Пхеньян өнгөрсөн сарын 29-нд алсын тусгалтай баллистик пуужин харвасан.
Эдгээр туршилтуудын дараа АНУ-ын хүсэлтийн дагуу НҮБ тус улсын эсрэг хориг арга хэмжээ авах болсон.
Тэгвэл Пхеньян хотноо айлчилж буй НҮБ-ын тусгай төлөөлөгчтэй тус улсын удирдагч Ким Чен Ун уулзахаас татгалзсан талаар эх сурвалжийн мэдээллээс иш татан “www.koreatimes.co.kr” сайт мэдээллээ.
Жэффри Фелтман нь 2010 оноос хойш Пхеньянд айлчилж буй НҮБ-ын томоохон албан тушаалтны нэг болоод байна. Тэрбээр “Ким Чен Унтай уулзана гэх их хүлээтэй байсан” гэж ярьжээ.
БНХАУ-ын дарга Си Зиньпинийн бие төлөөлөгч Сүн Тао өнгөрсөн сард Пхеньянд айлчилсан ч тэрбээр Ким Чен Унтай уулзаж чадаагүй билээ.
2015 онд Ким Чен Ун Бээжингээс ирсэн төлөөлөгч Лю Юншанийг хүлээн авч, оройн зоог барьсан юм.
Б.Дэлгэрцэцэг
Уншиж байна |