Монгол Улсын Ерөнхий сайд У.Хүрэлсүх, Эрчим хүчний сайд Ц.Даваасүрэн нар Сонгинохайрхан дүүргийн алслагдсан бүсийг төвлөрсөн дулаанд холбох ажилтай өнөөдөр танилцлаа.
Сонгинохайрхан дүүргийн 22 дугаар хороо Хилийн 0151 дугаар анги орчмын халаалтын зуухнуудыг төвлөрсөн дулаанд холбох ажлын хүрээнд 2Ф250мм голчтой 393 хос.метр, 2Ф200мм голчтой 648 хос.метр нэгдсэн салаа шугам татна. Дээрх нэгдсэн салаа шугамаас 2ф150мм голчтой 835м салаа шугам татаж 1.3-1.8 Гкал/ц хүчин чадалтай 4ш дулаан дамжуулах төв баригдах ба ОБЕГ-ын Аврах тусгай ангийн халаалтын зуух, ЦЕГ-ын Хамгаалалтын 2-р хэлтсийн зуух, ХЦ-ийн 0151-р ангийн халаалтынзуух, ХЦ-ийн 0151-р ангийн сургалтын байрны халаалтын зуухнуудтус тус төвлөрсөндулаан хангамжид холбогдоно.
ХЦ-ийн 0151-р ангийн сургалтын байрны халаалтын зуухны барилга дотор угсрагдах дулаан дамжуулах төвийн 2-р хэлхээнээс 2ф125мм голчтой 198 хос.метр, 2ф100мм голчтой 177 хос.метр, 2ф80мм голчтой 57 хос.метр, 2ф50 ммголчтой 85 хос.метр шугам татаж, СХД-ийн 22-р хороо, өрхийн эмнэлэг,цэцэрлэгийн нам даралтын халаалтын зуухнуудыг төвлөрсөн дулаанд холбоно.
Уншиж байна |