Тайландын шүүх луйвар хийж, олон зуун хүнийг мэхэлсэн 34 настай Пудит Киттитхрадилок гэгчид 13275 жилийн ял оноосон талаар “www.dailymail.co.uk” сайт мэдээллээ.
Тэрбээр “богинохон хугацаанд хөрөнгө оруулалтыг тань өсгөж өгнө” хэмээн “Понци схем”-ээр санхүүгийн луйвар хийсэн нь тогтоогджээ. Ойролцоогоор 40 мянган хүн уг залууд итгэж, 160 сая ам.долларын хөрөнгө оруулалт хийсэн аж.
Цагдаагийнхан түүнийг өнгөрсөн наймдугаар сард луйврын хэргээр баривчилжээ.
Шүүхээс Пудит Киттитхрадилокийг хууль бусаар мөнгө зээлэх, зээлүүлэх үйл ажиллагаа зохион байгуулсан, 2653 луйварын хэрэг үйлдсэн хэмээн буруутгаж, 13275 жилийн ял оноосон байна.
Ял сонссон залуу шүүх болон хохирогчдоос уучлалт гуйсаны ачаар ялын хэмжээгээ 6637 жил зургаан сар хорих ял болгожээ.
Шүүхээс Пудитэд хорих ял оноосноос гадна түүний байгуулсан хоёр компанид тус бүр 20 сая ам.долларын торгууль ногдуулсан байна. Түүнийг нийт 2653 хохирогчид жилийн 7.5 хувийн хүүтэй 17 сая ам.долларын нөхөн төлбөр төлөхийг шүүхээс үүрэгджээ.
Б.Дэлгэрцэцэг
Уншиж байна |