Өнөөдөр Ерөнхийлөгч Х.Баттулга өнөөдөр Чингэлтэй дүүргийн иргэдтэй МҮЭСТО-нд уулзалт хийлээ. Ерөнхийлөгч Х.Баттулга:
-Би Ерөнхийлөгчийн сонгуулиар “Ард иргэдээ сонсдог Ерөнхийлөгч байна” гэсэн. Тиймээс өнөөдөр та бүхнийг сонсох гэж зорьсон юм.
Өнөөдөр яагаад Улаанбаатар хотоос уулзалтаа эхлүүлж байна гэвэл утааг шийдэх асуудал болоод байна. Өнөөдөр хамгийн том асуудал утаатай тэмцэх асуудал. Харамсалтай нь утаа цагаан сар дөхөөд ирэхээр мартагддаг. Улаанбаатар хот руу ирж байгаа нүүдэл хөдөөнөөс сум, сумаас хот, хотоос Солонгос руу явж байна. Солонгос явж байгаа иргэд 2-3 сая вон олоод ирж байна. Энэ нь монгол төгрөгөөр 5-6 сая төгрөг.
Утааг шийдэхийн тулд иргэдээ орлоготой болгох хэрэгтэй. Сарын 500 мянган төгрөгийн орлоготой иргэнийг орон сууцанд хамруулах технологийг “Эрэл” компани оруулаад ирсэн байна. Бүтээн байгуулалтад цэргүүдээ дайчилъя. Хөлсөө дансандаа авдаг байя. Эр ,эмгүй цэргийн алба хаадаг болъё. Цэргийн албыг 1-3 жилээр цэргийн алба хаадаг болъё. Царгийн эрдмээ суръя, хажуугаар нь хос мэргэжилтэй болъё. Зургаан цагт босдог болъё, загнуулж суръя, хүний үгийг сонсдог болъё.
Улсын хэмжээнд 250 мянган хүн ажилгүй байгаа, ажилгүйдлийг 50 хувиар бууруулъя гэдэг маш тодорхой санал хэлсэн. Шийдлүүд байна. Улсын хэмжээнд 80 мянга орчим орон сууц байгаа. Үүний 40 мянгад нь төрийн албан хаагчдыг цалингаар нь барьцаалаад хүүгүйгээр орон сууцанд хамруулах боломжтой. Ингэвэл 40 мянган яндан буурна.
Ерөнхийлөгч дээр ард түмэн та нар байж байж энэ Засгийн газар, УИХ-ыг хөдөлгөнө. Өнөөдөр 76 бүтэцтэй парламентад МАН 65 суудалтай байна. Өнөөдөр 55 тэрбум төгрөгийг төрийн албан хаагчдад тараасан. Нэг удаагийн тусламж болгож 300 мянган төгрөг нэг төрийн албан хаагчид оногдож байна. Энэ мөнгө өгч байгаадаа ч, авч байгаадаа ч юм болохгүй. Энэ мөнгө Эрээний зах руу явж байгаа. 55 тэрбум гэдэг их мөнгө. Нэг тэрбум төгрөгөөр нэг цэцэрлэг барьдаг. Харамсалтай нь МАН-ын үнэмлэхүй олонхи 65-ын бүлгийн ханыг нэвтэлж чадахгүй байна.
Олны хүч оломгүй далай юм. Дэд бүтцийн том хөтөлбөрүүдээ хэрэгжүүлээд хавар гэхэд шийдэлд хүрэх хэрэгтэй. Энэ Засгийн газрыг өнөөдрөөс эхэлж ташуурдах хэрэгтэй байна. гэлээ.
Ингээд иргэдийн үгийг сонслоо. Иргэд “Эрх баригчид хоорондоо бодлого ярьдаггүй. Хээл хахууль ярьж байна. Ашигт малтмалын асуудалд зөрчилтэй байна. Асуудал шийдэхгүй байна. Татвар нэмэхийг эсэргүүцэж байна. Байшин барьж, утаанаас сална” хэмээн саналаа хэлцгээж байв.
Н.Энх