АНУ-ын эрх баригчид өмнөх Засгийн газрын үед таагүй харилцаатай байсан ОХУ-ын зарим нөлөө бүхий эрх баригчдыг “хар жагсаалт”-даа багтаасан талаар “Ройтерс” агентлаг мэдээллээ.

Мөн энэ үеэр АНУ, ОХУ-ын эсрэг нэмэлт эдийн засгийн хориг тавьж буйгаа зарлажээ.

Вашингтон ОХУ-ын нөлөө 114 хүнийг “хар жагсаалт”-даа багтаасан байна. Уг жагсаалтыг “Кремлийн жагсаалт” хэмээн нэрийджээ.

“Кремлийн жагсаалт”-д багтсанаар дээрх эрхмүүд АНУ-д зорчих эрхгүй болж байна.

Энэхүү жагсаалтад ОХУ-ын Засгийн газрын ихэнх гишүүн болон бизнес эрхлэгчид багтжээ. Сонирхуулахад Ерөнхий сайд Дмитрий Медведев, Кремлийн хэвлэлийн төлөөлөгч Дмитрий Песков, ерөнхий сайдын нэгдүгээр орлогч Игорь Шувалов, Ерөнхийлөгчийн тамгийн газрын дарга Антон Вайно, гадаад хэргийн сайд Сергей Лавров багтсан байна.

Мөн Оросын томоохон бизнесмэнүүд болох Алишер Усманов, Сергей Иванов, Роман Абрамович, Олег Дерипаска нар багтжээ.

Жагсаалтад орсон дээрх эрхмүүдийг “нэг тэрбумаас дээш хөрөнгөтэй олигархууд” гэж Вашингтон тодорхойлсон байна.

Б.Дэлгэрцэцэг