Хойд Солонгосын удирдагч Ким Чен Ун 2011 онд тус улсын Засгийн эрхийг авсанаасаа хойш Өмнөд Солонгостой дайсагнасан харилцаатай байсан билээ.
Тэрбээр өнгөрсөн оны эцсээр олон жил баримталсан бодлогоо бага зэрэг өөрчилж, Сөүлтэй ойртон нөхөрлөх болсон юм.
Ким Чен Ун Өмнөд Солонгосын Пёнчан хотноо зохион байгуулагдаж буй 23 дахь удаагийн өвлийн олимп руу бага тамирчид болон төрсөн дүү Ким Ё Чен болон албаны хүмүүсийг илгээсэн билээ.
Хөх ордны тэргүүн Мүүн Жэ Ин Пхеньянаас ирсэн зочдоо хүндэтгэлтэй хүлээн авч, найрсаг хандсан юм.
Тэгвэл Мүүн Жэ Иний найрсаг зан Ким Чен Уны сэтгэлийг хөдөлгөлсөн талаар Хойд Солонгосын төрийн мэдлийн “KCNA” агентлаг мэдээлжээ.
Ким Чен Ун өөрөө бичсэн эх орондоо айлчлахыг урьсан урилгыг түүний дүү Хөх ордны тэргүүнд гардуулан өгсөн билээ.
Тэрбээр анх удаагаа өөр орны тэргүүнийг эх орондоо албан ёсоор урьж буй юм.
Б.Дэлгэрцэцэг
Уншиж байна |