Мила Кунис: Хүү минь аав шигээ их залхуу

2018-03-22

Жүжигчин Мила Кунис өчигдөр “ELLEN” шоунд оролцжээ. Энэхүү ярилцлагыг хүргэж байна.

-Ихэнх бүсгүйчүүд ээж болоод амьдралд нь томоохон өөрчлөлт гардаг гэцгээдэг. Үүнтэй санал нэгдэж байна уу?

-Мэдээж хэрэг. Учир нь чи одоо ээж болсон учир. Өмнө нь ганц бие байсан бол одоо ээж болсон. Чиний хариуцлага нэмэгдэж, чи өмнөх шигээ бяцхан охин байхаа больсон. Ээж болоод л би бяцхан охин байхаа больсон. Хоёр хүүхэдтэй хүн яаж ч өөрийгөө жоохноор төсөөлөх билээ дээ.

-Ээж болоод ухаарсан зүйлийнхээ талаар?

-Би жирэмсэн байхдаа мөн төрөөд удаагүй байхдаа их шахуу хуваарьтай ажиллаж байсан. Хүүхдүүдтэйгээ байх хугацаа их хомс байсан. Гэхдээ л би тэднийг эрүүл аюулгүй орчин амьдруулахын тулд эмэгтэй хүнээс гарахааргүй их хүч, энергийг зарцуулж байна. Миний өнөөдрийг хичээл зүтгэл хүүхдүүд минь сайхан ирээдүйг бүтээнэ.

-Та ч их томоожжээ?

-Гэхдээ л муу охин зангаасаа хагацаагүй л байгаа.

-Катчер сайн биз дээ. /Жүжигчин Эштон Катчертэй 2016 оны зургаадугаар сард хуримаа хийсэн/

-Тэр сайн байгаа. Их завгүй байгаа. Гэртээ байхдаа надтай бараг л үг сольдоггүй. Дандаа л хүүхдүүдтэйгээ тоглодог. Хэрвээ Катчер компьютер тоглож байвал би тэрийг нь шууд унтраагаад л өөртэйгээ ярихыг шаардана. Харин хүүхдүүдтэйгээ зөв боловсон чөлөөт цагаа өнгөрүүлж байвал жил ч ярихгүй байж чадна. Бидний ярилцдаг сэдэв ихэвчлэн хүүхдүүдийн талаар.

-Хуримаа хийгээд нилээн уджээ?

-Цаг хугацаа ч хурдан өнгөрөх юм. Саяхан л гэр бүлтэй болно гэдгээсээ айдаг байлаа. Харин одоо нөхөртэй бас хоёр хүүхэдтэй болжээ.

-Өмнө нь надад “Миний хурим их даруухан болсон” хэмээн сэтгэл дундуурхан ярьж байсан. Одоо ч гэсэн сэтгэл дундуур байна уу?

-Хурим гайхалтай болсон. Үлгэрт гардаг хуримаас жоохон өөр болсон ч би сэтгэл хангалуун байгаа. Би хуримынхаа үеэр даашинз өмссөн. Катчер ч хар хослол өмссөн. Зүгээр л биднийг гэрлэсэн гэдгийг хальт сонссон хүмүүс бидний талаар худал цуурхал тараасан хэрэг. Хуримаа олон хийсэн хүн зөндөө бий. Гэхдээ анхны хурим давтагдашгүй байдаг. Сүйт бүсгүй тэр үдэш л ганцаараа гэрэлтдэг. Би ч гэсэн гэрэлтэхийг хүссэн. Бүх дарамт миний нуруу дээр ирж байгаа мэт мэдрэмж төрсөн.

-Катчер та хоёр найзууд байсан. Дараа нь хос болж одоо гэр бүл болцгоолоо?

-Би энэ залууг мэддэг болоод яг 17 жил болж байна. Анх “1970 оны загвар” телевизийн цувралын үеэр уулзаж билээ. Би анх удаагаа л Катчертэй үнсэлцэж үзсэн. Тэр цагаас хойш л бид найзууд болцгоож, бүх цаг үед хамтдаа байсан. Катчер хуримаа хийнэ гэдгийг сонсоод баяр хүргэж явлаа. Намайг найз залуугаасаа салахад Катчер аргадаж явлаа. Бид ийм л цаг үеийг өнгөрүүлсэний эцэст нэг нэгэндээ хэрэгтэй хүмүүс гэдгийг ойлгосон. Хэдий Катчерийг мэддэг болоод 17 жил болж байгаа ч өдөр бүр түүний мэдэхгүй зан ааш, төрхийг олж хардаг.