АНУ-ын Ерөнхийлөгч Дональд Трамп тун удахгүй Хойд Солонгосын залуу удирдагч Ким Чен Унтай уулзахаар болсон билээ. Цагаан ордны тэргүүн уг уулзалтын талаарх сэтгүүлчдийн сонирхсон зарим асуултад хариулт өгчээ.
-Түүхэндээ анх удаагаа АНУ болон Хойд Солонгосын тэргүүн нар уулзахаар болсон. Тийм ч учраас уг уулзалтыг олон улс “Түүхэн уулзалт” хэмээн нэрийдэж буй.
-Тийм ээ. Би өмнө нь амлаж байсан. “Заавал хоёр улсын удирдагч нарын дээд хэмжээний уулзалтыг зохион байгуулна” гэж.
-Уг уулзалт хоёр улсын дунд үүссэн таагүй уур амьсгалыг нэг мөсөн цэглэх үү.
-Найдаж байна. Гэхдээ цаг хугацаа бүгдийг харуулна.
-Саяхан Хойд Солонгосын залуу удирдагч Ким Чен Ун “Цөмийн зэвсгээсээ татгалзаж, олон улстай найрсаг харилцаатай байх болно” хэмээн мэдэгдсэн. Энэ талаар?
-Маш их талархаж байна. Түүний шийдвэрийг АНУ-аас гадна олон улс талархан хүлээн авсан.
-Та хоёр ирэх зургаадугаар сард уулзахаар төлөвлөж байгаа?
-Бид Хойд Солонгосын тэргүүнтэй ойрын хугацаанд уулзах хүсэлтээ Пхеньянд илэрхийлээд байгаа. Хойд Солонгос ч гэсэн бидэнтэй ижилхэн бодолтой байгаа.
-Уулзалтыг урагшлуулах хүсэлтэй байна гэсэн үг үү?
-Мэдээж хэрэг. Энэхүү уулзалт үр дүнд хүрсэн цагт бидний дундах харилцаа илүү тайван болно. Нэг л зүйлийг хэлэхэд би Ким Чен Унтай уулзана. Энэхүү уулзалт ойрын хугацаанд болно.
-Ким Чен Уны бодлого их зөөлөрч байгаа. Тэрбээр анхны төрийн дээд хэмжээний айлчлалаа хүртэл хийсэн шүү дээ?
-Ким Чен Ун маш нээлттэй, найрсаг байгаад талархаж байна. Хойд Солонгос улс өмнө нь олон удаа амлалт өгч байсныг эргэн дурсах хэрэгтэй. Тэд амлалт өгсөн мөртлөө хэзээ ч биелүүлж байгаа. АНУ-ын Ерөнхийлөгчийн хувиар би тус улсад үзүүлэх шахалтаа үргэлжлүүлэх болно. Гэхдээ амлалтаа зөрчсөн тохиолдолд.
-Олон орны төрийн тэргүүн нар та хоёрын уулзалтыг амжилттай болоосой хэмээн хүсч байгаа?
-Тийм ээ. Өмнөд Солонгос, Япон, Франц гээд л олон оронд таатай мэдээ болсон. Санаа зовох хэрэггүй. Бид уулзах болно.
Б.Дэлгэрцэцэг
Уншиж байна |