“Замын хөдөлгөөний цагаан толгой-2018”  тэмцээн өнөөдөр болж байна. Сургуулийн өмнөх насны хүүхдүүдийн замын хөдөлгөөний дүрмийн мэдлэгийг сайжруулах, зөв дадал хэвшүүлэх зорилгоор жил бүр зохион байгуулдаг тус тэмцээн энэ жил 35 дахь жилдээ болж буй юм.

Цэцэрлэгийн багачууд мэндчилгээ, урлагийн тоглолт, гэрийн даалгавар, буухиа тэмцээн гэсэн төрлүүдээр өрсөлдөж, шилдгүүдээ тодруулах юм. Тэмцээнд нийслэлийн есөн дүүргийн цэцэрлэгүүдийн 200 гаруй хүүхэд оролцож, замын хөдөлгөөний дүрмээр өрсөлдөж байна.