ОХУ-д хаалтаа хийгээд буй хөлбөмбөгийн ДАШТ-ий “Алтан дагина” цомын эзнээр Францын шигшээ баг тодроод байна. Тус багийнхан Хорватын шигшээ багийг 4:2 онооны харьцаатай хожсон билээ.

Тэгвэл шигшээ багаа аварга болсонд нь баярласан францын фанатууд Парис хотноо баярын жагсаал зохион байгуулсан талаар “www.dailymail.co.uk” сайт мэдээлэв.

Уг жагсаалд нийт сая гаруй иргэн оролцсон бөгөөд хэт баярласандаа архи, согтууруулах ундаа уусан фанатууд үймээн дэгдээсэн аж.

Цагдаагийнхан нийслэл хотын аюулгүй байдлын төлөө хөлцүүрхсэн фанатуудын эсрэг даралттай ус, нулимс асгаруулагч хий ашиглажээ.

Б.Дэлгэрцэцэг