Сирийн баруун өмнөд хэсэгт байрлах Сувида хотноо цуврал халдлага болсон талаар “www.independent.co.uk” сайт мэдээллээ.
Энэхүү аймшигт халдлагын улмаас 215 хүн харамсалтайгаар амиа алдаж, 108 хүн шархадсан гэнэ.
Мөн гудамжинд худалдаа эрхэлдэг олон хүн хохирол амсчээ.
Уг халдлагыг алан хядах Исламын улс бүлэглэл үйлдсэн гэдгээ мэдэгджээ. Тус бүлэглэл твиттер хуудастаа “Бид алдсан газар нутгаа эргүүлэн авах болно. Хэнийг ч өршөөхгүй” хэмээн жиргэсэн байна.
Сирийн ардыг чөлөөлөх армийнхан ОХУ-ын дэмжлэгтэйгээр энэ оны эхээр террористуудыг газар нутгаасаа амжилттай гаргасан юм. Сирийн Ерөнхийлөгч Башар аль Ассад террористуудаас болж эх нутгаасаа явсан олон сая иргэнээ эргүүлэн дуудаж, хүчирхэг Сири улсыг байгуулахыг зорьж байна.
Сирид 2011 оны дөрөвдүгээр сард дэгдсэн иргэний дайны улмаас 270 мянган хүн амиа алдсан талаар НҮБ уламжлав.
Б.Дэлгэрцэцэг
Уншиж байна |