Австралийн эрх баригчид БНХАУ-ын теле харилцааны “Huawei” компанийн 5G үүрэн сүлжээг нэвтрүүлэхийг хориглосон талаар “Ройтерс” агентлаг мэдээллээ. Ийнхүү хориглосон нь “БНХАУ, Австралийн дотоод асуудалд оролцож, нууц мэдээлэл алдагдах эрсдэлтэй” хэмээн эрх баригчид үзжээ.

АНУ-ын Ерөнхийлөгч Дональд Трамп БНХАУ-ын компаниудаас болгоомжлон, хяналт тавьж буй. Трампын болгоомжлолоос болж, “Huawei” компани 5G сүлжээг нэвтрүүлэх боломж, хязгаарлагдмал болж байна. 

Австралийн шийдвэрийн дараа БНХАУ-ын Гадаад хэргийн яамны хэвлэлийн төлөөлөгч Лу Кан “Шударга өрсөлдөөний дагуу Хятадын компаниудад шударга хандах учиртай” гэж мэдэгдэв.

Хятад компаниуд хуулийн дагуу эрх баригчтайгаа хамтран ажиллаж, шаардлагатай мэдээлэл өгөх ёстой гэнэ. “Huawei” компанийг БНХАУ-ын Засгийн газрын дэмжлэгтэй олон улсад нэвтрэн, тагнуул хийх зорилготой үйл ажиллагаа явуулдаг хэмээн олон улс харддаг.

Уг асуудлаар “Huawei” компанийн зөвлөх Марк Ньюман “Бид хэрэглэгчдийнхээ мэдээллийг хамгаалах үүрэг хүлээсэн. Бид компанийн бүх удирдлагыг өөрсдөө авсан” гэлээ.

Британийн Үндэсний кибер аюулгүй байдлын төв  энэ оны эхээр “Хятадын “ZTE”-ийн тоног төхөөрөмжийг ашиглах нь үндэсний аюулгүй байдалд заналхийлж болзошгүй” гэж мэдэгдсэн.

Тус улсын эрх баригчид өнгөрөгч сард “Huawei” компанийн хэрэгсэл үндэсний аюулгүй байдалд заналхийлээгүй учир тодорхой нөхцөлд 5G сүлжээг нэвтрүүлэх болно” гэх шийдвэр гаргажээ.

Б.Дэлгэрцэцэг