Канадад аялахаар ирсэн Германы жуулчин буудуулсан юм. Уг хэрэг энэ сарын 2-нд гарсан ба 60 настай жуулчин эр гэр бүлийнхээ хамтаар Калгариас хот руу явж байхдаа толгой тус газар руугаа буудуулжээ. Жуулчид түрүүсийн машинаар явж байжээ. Өнөөг хүртэл жуулчныг буудсан этгээдийг эрэн сурвалжиж байв.

Цагдаагийнхан дээрх хэрэгтэй холбогдуулан 16 настай хүүг баривчилсан талаар “Ройтерс” агентлаг мэдээллээ. 

Хүү жуулчдын сууж явсан машины дэргэдээр өнгөрч байхдаа гал нээсэн болохыг тогтоожээ.

“Шалтгалтаар хүү болон жуулчны дунд ямар нэгэн маргаан өрнөөгүй болохыг тогтоосон. Хүү ямар шалтгаанаар гал нээсэн нь тодорхойгүй байна. Тэрбээр санамсаргүйгээр гал алдсан гэж ярьсан” хэмээн Цагдаагийн газраас мэдээлэв.

Халдлагад өртсөн герман эр нутаг буцсан бөгөөд эмнэлэгт хэвтэн эмчлүүлж байна. Германы эмч нар эрэгтэйн тархинд байсан бууны сумыг амжилттай авчээ. Уг бууны сумыг сэжигтнээс хураан авсан галт зэвсгийн бууны сумтай харьцуулахаар Канад руу илгээсэн байна.

Б.Дэлгэрцэцэг