Төрөх эмнэлгүүдэд төрсөн нярай хүүхдүүдийг шууд бүртгэж, регистрийн дугаар олгодог боллоо. Сүүлийн хоёр хоногийн хугацаанд нийслэлийн 8 төрөх эмнэлэгт шинээр төрсөн 179 хүүхэд регистрийн дугаараа авчээ.

Эрүүл мэндийн яам, Улсын бүртгэлийн ерөнхий газар, Үндэсний статистикийн хороо хамтарсан ажлын анхны тайлан гаргажээ. Хоёр жилийн өмнө байгуулсан санамж бичиг нь ажил хэрэг болж, төрөх эмнэлгүүдэд төрсөн нярай хүүхдийг шууд бүртгэж регистрийн дугаар олгох ажлыг эхлүүлсэн байна. 

10 сарын 1-ний өдрөөс эхлэн урьдчилсан бүртгэлийг нийслэлийн төрөх эмнэлгүүдэд явуулж эхэлжээ. 

10 сарын 1-ний өдөр Нийслэлийн төрөх эмнэлгүүдэд 149 ээж 149 хүүхэд буюу 82 охин, 67 хүү төрүүлж, 71,8 хувь өөрөөрөө төрсөн бол, 27,5 хувь нь хийсвэр хагалгаа хийлгэсэн байна. Ээжүүдийн 56,4 хувь гэрлэлтээ батлуулсан байдаг бол, 32,2 хувь нь гэрлэлт огт батлуулаагүй ээжүүд байна. 10,1 хувь нь ханьтай ч гэрлэлтээ батлуулаагүй байна. 

Ээжүүдийн 48,3 хувь нь Бүрэн дунд боловсролтой, 34,2 хувь дипломын болон бакалаврын дээд боловсролтой байна. Төрсөн ээжүүдийн дундаж нас 28 бөгөөд хамгийн залуу нь 19 настай бол, ахимаг нь 42 настай ээж байна.

Г.Сүрэн