Афганистаны нийслэл Кабул хотноо үүрэг гүйцэтгэж байсан АНУ-ын цэргийн албан хаагч амиа алдсан талаар Пентагоны мэдээллээс иш татан "Ройтерс" агентлаг уламжлав. 

Алан хядах Талибан бүлэглэлийн гэнэтийн дайралтын үеэр цэрэг амиа алдсан ба Афганистан дахь АНУ-ын цэргийн командлагч энэ тухай мэдэгдлээ.

Тэрбээр "Жил ирэх тусам Афганистанд амиа алдах цэргийн тоо нэмэгдэх боллоо" гэж мэдэгдээд, цэргийн гэр  бүлд эмгэнэл илэрхийлжээ.

АНУ-ын эрх баригчид 2001 оноос Афганистанд цэргээ илгээж, талибанчуудын эсрэг тэмцэх болсон юм. Өдгөө Афганистанд 14,000 гаруй америк цэрэг үүрэг гүйцэтгэж байна.

17 жил үргэлжилсэн тулааны үеэр 2,700 орчим хүн амиа алджээ. 

Б.Дэлгэрцэцэг