Улаанбаатар хотын замын хөдөлгөөний ачааллыг бууруулах ажлын хэсгийн судалгааны үндсэн дээр нийслэлийн удирдлагууд шийдвэр гаргаж, зарим уулзварт шар тэмдэглэгээ хийхээр болсон. Цэцэг төв, Цаг уур, орчны шинжилгээний газар, Үндэсний төв музей, МУБИС гэсэн дөрвөн байршлын уулзварт шар тэмдэглэгээ хийх юм. Үүний эхлэл болгож, Цэцэг төвийн автозамын уулзварт шар тэмдэглэгээ хийжээ. 

Замын хөдөлгөөний хэт ачааллыг бууруулах чиглэлээр хамгийн их түгжирдэг замын уулзвар болон  гол замтай нийлсэн гарцтай хэсэгт шар дөрвөлжин тэмдэглэгээ хийж буй. Энэ тэмдэглэгээг 11 дүгээр сарын нэгнээс өмнө хийх үүргийг хотын дарга С.Батболд өгсөн юм.  

Замын тэмдэг, тэмдэглэгээний ажилд нийт 200 гаруй сая төгрөг зарцуулах бөгөөд уг ажлыг Улаанбаатар зам арчлалт компани хийж гүйцэтгэж байна.

Б.Учрал