АНУ-ын Ерөнхийлөгч Дональд Трамп "Дунд болон богино зайн тусгалтай пуужинг устгах тухай гэрээ"-нээс гарна хэмээн албан ёсоор мэдэгдсэн талаар "Ройтерс" агентлаг уламжлав.

Тус гэрээг 1897 онд АНУ-ын 40 дэх Ерөнхийлөгч  Рональд Рейган байгуулж байсан юм. 

Ерөнхийлөгч Трамп өчигдөр Фокс ньюс сувгаар "ОХУ-ын эрх баригчид цөмийн болон пуужингийн хөтөлбөрийг үл дэлгэрүүлэх гэрээг даган биелүүлэхгүй байна. ОХУ-ын шийдвэрийг даган биелүүлэхгүй, олон улсыг хуурч буй учир бид ч гэсэн хариу арга хэмжээ авахаар боллоо" гэж хэлжээ.

Трамп өмнө экс Ерөнхийлөгч Барак Обамаг дээрх гэрээнээс АНУ-ыг гаргаагүй, төр барих хугацаандаа яагаад ОХУ-д хяналт тавиагүй юм бэ хэмээн эгдүүцсэн аж. 

Цагаан ордны тэргүүнийг дээрх шийдвэрийг гаргахад Үндэсний Аюулгүй байдлын зөвлөх Жон Болтон хүчтэй нөлөөлсөн хэмээн орон нутгийн хэвлэлүүд мэдээлэв. Тэрбээр энэ сарын 22-23 хооронд Москва хотноо айлчилж, Ерөнхийлөгч В.Путинтай уулзана.