Иргэний нийгмийн байгууллагууд ээлж дараалан мэдээлэл хийж, У.Хүрэлсүхийн Засгийн газрыг огцруулах шаардлагагүй хэмээн мэдэгдэж байна.
Өнөөдөр Даяар Монгол хөдөлгөөн, Хөх монгол бүлгэмээс мэдээлэл хийж, Засгийн газрыг огцруулбал УИХ хамт тарах ёстой гэж мэдэгдэв. Үүний араас Иргэний хөдөлгөөн ТББ-аас хэвлэлийн хурал зарлаж, Засгийн газрыг огцруулахад хэнд ашигтай юм бэ гэсэн асуултыг тавьж байна.
“Засгийн газар огцорвол УИХ хамт тар. Дараагийн ээлжийнхэн хоолонд орно гэсэн ойлголт байхгүй” гэдгийг “Хөх Монгол” бүлгэмийн тэргүүн Б.Энхбат хэллээ.
Мөн Иргэний хөдөлгөөн ТББ-ынхан “У.Хүрэлсүхийн Засгийн газар маш муу гэсэн үнэлгээ авсан ч дараагийн хүмүүсийг харвал чонын амнаас гарч барын аманд орно. Төр тогтвортой байж, улс орны хөгжил удирдана. Намын даргын хувиар У.Хүрэлсүх ЖДҮХС-тай холбоотой нөхдийг намаасаа хөөх хэрэгтэй. Үүний дараа Засгийн газрын асуудал яригдана. Төр засаг зогсонги байдалд байхад Засгийн газрыг солино гэдгийг хэзээ ч хүлээн зөвшөөрөхгүй” хэмээн мэдэгдэв.
Б.Учрал