УИХ дахь АН-ын бүлгийн хуралдаан өндөрлөлөө.Хуралдаан хэлэлцсэн асуудлын талаар УИХ дахь АН-ын бүлэг мэдээлэл хийв. 

УИХ дахь АН-ын бүлгийн дарга Д.Эрдэнэбат:

-Өнөөдөр ардчилсан Монгол Улсын үнэт зүйлд харш үйлдлүүд маш ихээр явагдаж байгаад АН харамсаж байна. Энэ үед бид Их хурлаа хуралдуулах шаардлага үүссэн байна. ЖДҮ, хулгай, авлигатай холбогдсон Засгийн газрын үед үүссэн нөхцөл байдлын талаар бид хэлэлцсэн ёстой. 

УИХ-ын гишүүн, АН-ын дарга С.Эрдэнэ:

-Өнөөдөр улс оронд үүсээд байгаа улс төр, эдийн засгийн нөхцөл байдлыг та бүхэн мэдэж байгаа. Нийгэм, эдийн засгийн нөхцөл, байдал улам бүр муудаж байна. Сагсан дахь хэрэглээний үнэ 5000 төгрөг хүртэл нэмэгдлээ. Мах, махан бүтээгдэхүүний үнэ хурдтай өсч байна. Ард иргэдийн тархийг угаасан ухуулаг маш хүчтэй явагдаж байгаа. Ардчиллын үнэт зүйлс рүү дайрсан, довтолсон хандлага байна. Бид зөв чиглэл рүү АН чиглүүлэх болно. 

АН хууль ёсны улс төрийн намын эрхээ авч, өнөөдрийг хүртэл үйл ажиллагаагаа явуулж байна. АН-ын үндсэн дүрмийг ягштал биелүүлэх үүрэгтэй. Энэ дүрмийг хүлээн зөвшөөрч үйл ажиллагаагаа явуулах үүрэгтэй. Тэр үүргээ биелүүлээгүй этгээдүүдэд хариуцлага тооцох шийдвэр гарч байна. АН-ын Үндсэн дүрмийн хороо хуралдсан. Үндсэн дүрмийн хорооны шийдвэрийг АН-ын Ерөнхий нарийн бичгийн дарга Ц.Туваан танилцуулна. 

АН-ын Ерөнхий нарийн бичгийн дарга Ц.Туваан:

-АН-ын Улс төрийн зөвлөл хуралдаж, Засгийн газрыг огцруулахыг дэмжсэн шийдвэр гаргасан. АН-ын энэ шийдвэрийг зөрчиж, Үндсэн дүрмийг зөрчсөн болохыг Ж.Батзандан тогтоолоо. Мөн Үндэсний бодлогын хорооны гишүүн Д.Мурат, Л.Болд нар АН-ын Үндсэн дүрмийн холбогдох заалтыг зөрчсөнийг тогтоолоо.

Энэ тогтоолыг АН-ын дарга хүргүүлсэн гэлээ. АН-ын даргын тушаалаар сахилгын шийтгэл ноогдуулж байгаа юм байна. ЖДҮХС-гаас нэн хөнгөлөлттэй зээл авсан Ерөнхий сайд У.Хүрэлсүхэд  АН-аас төрийн сонгуульд нэр дэвшүүлэх эрхийг дөрвөн жил хүртэл жил хасах сахилгын шийтгэлийг Л.Болд, Д.Мурат нарт хүлээлгэжээ. Харин УИХ-ын гишүүн Ж.Батзанданд намын гишүүнээс дөрвөн жил хүртэл хугацаатай хассан байна. Тэд мэдээлэл хийснхээ дараа сэтгүүлчдийн асуултад хариулсан юм.

-Намын дээр төр гарсан юм биш үү. Сонгогчдыг төлөөлж байгаа гишүүн бүрэн эрхийн хүрээнд саналаа өгсний төлөө намаас нь хасч байна уу?

АН-ын дарга С.Эрдэнэ:

-Өнөөдөр намыг, төрийг үгүйсгээд ярьж байгаад нь гайхаж байна. Намгүй төр байгуулсан улс орон байхгүй. Ганцхан засаг л байдаг юм. Хаант засаглал байдаг юм. Өнөөдөр энэ хүмүүс АН-ын нэр дээр нэр дэвшсэн. АН улс төрийн шийдвэрээ гаргасан. АН-ын Үндсэн дүрмийг хүлээж, өнөөдөр намын гишүүн болоод явж байгаа. Дүрмийг биелүүлэхгүй байх бүрэн эрхтэй. Бусдын эрхээр миний эрх хязгаарлагдана.

-Яагаад намын бодлогоо дагаагүй Засгийн газрын дэмжих болсон юм бол?

-Яагаад намын бодлогоо дагаагүйг өмнөөс нь би тайлбарлаж чадахгүй байна. Ах нь өнөөдөр Ерөнхий сайдын зөвлөх хийж байгаа нь үнэн. ЗТХЯ-ны Төрийн нарийн бичгийн дарга хийж байгаад хүн амины хэргийн асуудал гарч огцорсон. Тэгээд Ерөнхий сайдын зөвлөхөөр ажиллаж байна. Бас нэг ах нь Хөх хотын Ерөнхий консулаар ажиллаж байгаа нь үнэн. Эхнэр нь нүүрсний тээвэр хийдэг нь үнэн. Үнэн гээд яриад байвал олон зүйл байна. УИХ-ын гишүүн Л.Болд Богд банктай нь үнэн.

-УИХ дахь АН-ын бүлэг хагарал үүсч байна уу?

-Манай намд булаацалдаад байх эрх мэдэл, албан тушаал байхгүй. Ашиг сонирхол ч байхгүй. Үүнд ямар нэг эрх ашиг, эрх мэдлийн хагаралдах зүйл байхгүй. Хувь хүний ёс зүй л яригдаж байна.

Н.Энх