Польш улсын нийслэл Варшав хотноо НҮБ-ын хурал зохион байгуулагдаж, амжилттай өндөрлөлөө. Уг хурлын үеэр дэлхийн 200 гаруй улс өнгөрөгч хурлаар баталсан "Парисын уур амьсгалын гэрээ"-г хэрэгжүүлэхээр тохиролцоонд хүрчээ.
Олон улсад тулгамдаж буй уур амьсгалын өөрчлөлтэй тэмцэх гэрээг олон улс амжилттай байгуулсан ба ирэх 2020 оноос дээрх орнууд гэрээг хэрэгжүүлэхээр болж, байгаль экологид сөргөөр нөлөөлж буй бүхэнтэй тэмцэхээр болжээ.
НҮБ-ын удирдлагууд өнгөрөгч 2015 онд дэлхийн дулаарлын гол буруутан болох хүлэмжийн хийн хэмжээг багасгахын тулд "Парисын уур амьсгалын гэрээ"г санаачилсан юм.
Уг гэрээнд хүчирхэг эдийн засагтай орнууд дэлхийн дулааралтай тэмцэх санхүүжилтийг батлах, хөрөнгө оруулах зэргээр тусгасан билээ.
"Парисын уур амьсгалын гэрээ" хүчин төгөлдөр хэрэгжиж эхэлснээр дэлхийн температурыг аж үйлдвэржилтийн өмнөх үед авчрах зорилготой аж.
АНУ-ын Ерөнхийлөгч Дональд Трамп энэ оны дундуур уг гэрээнээс гарч буйгаа зарласан нь олон улсыг түгшээх болов. Цагаан ордны тэргүүн уг гэрээг "ямар ч ашиггүй, үр дүнгүй, хий дэмий зүйл" хэмээн тодорхойлсон юм.
Б.Дэлгэрцэцэг
Уншиж байна |