Британийн ханхүү Харригийн гэргий Меган Марклийн эцэг Томас Маркл Зул сарын баяраа ганцаараа тэмдэглэнэ гэж “www.dailystar.co.uk” сайт мэдээллээ.
Тэрбээр Калифорни мужийн Сан Диего хотноо байрлах ГЭРТЭЭ ГАНЦААРАА шинэ оноо угтан авах гэнэ.
Меган эцгээ Лондон хотноо хүрэлцэн ирж, Харригийн гэр бүлтэй хамт шинэ оноо угтан авч, нэг өдрийг мартагдахын аргагүй өнгөрүүлэх урилга явуулсан ч тэрбээр татгалзсан хариу авчээ.
Өдгөө 73 настай Томас саяхан “Өглөөний мэнд Британичуудаа” нэвтрүүлэгт оролцох үеэрээ “Би охиныхоо эргэн тойронд эргэлдмээргүй байна. Тэр минь сайхан амьдрах учиртай. Би бол муу эцэг. Түүний жаргалтай амьдралд хар толбо болмооргүй байна. Охин минь өнөөдрөөс эцэггүй гэж бодох хэрэгтэй. Учир нь би түүний төлөө юу ч хийж байгаагүй. Тэр минь зөвхөн жаргалтай амьдрах хэрэгтэй” гэж хэлжээ.
Томас зууны хурим гэгдэж буй Харри, Меган нарын хуримын ёслолд ч ороогүй билээ. Тэрбээр хурим болохоос хэдхэн өдрийн өмнө зүрхний хагалгаанд орсон юм.
“Хуриманд орохгүйн тулд Томас хагалгаагаа урагшлуулсан” гэж ойрын эх сурвалж ярьжээ.
Б.Дэлгэрцэцэг
Уншиж байна |