Сангийн сайд Ч.Хүрэлбаатар сэтгүүлчдийн асуултад хариуллаа.
-Яагаад Засгийн газрын гишүүд хуралдаандаа суухгүй байна вэ?
-Манай намын Удирдах зөвлөл, бага хурлын шийдвэр гарсан. Бид бүгдээрээ улстөрчид. Улс төрийн байгууллагын шийдвэр гарсан, түүнийг дагах ёстой.
-Танай намын ойлголцолд хүрэх болов уу?
-Би маш тодорхой хариулт өглөө. Удирдах зөвлөлийн шийдвэр гарсан. Бага хурлын шийдвэр 95 хувьтай гарсан. Бид Бага хурлын шийдвэрээрээ УИХ-д нэр дэвшиж сонгогдсон.
-УИХ-ын даргыг огцруулах асуудлаар хуулийн төсөл боловсруулж болохгүй юу?
-Олон хувилбар яригдах байх.
Танай нам УИХ-ын дарга, Засгийн газраа унагаана гэсэн асуудлаас болж олон зүйл гацаж байна?
-Засгийн газрын үйл ажиллагаа хэвийн явж байгаа. Бид УИХ-д Татварын багц хуулийг боловсруулаад өнгөрсөн дөрөвдүгээр сард өргөн барьсан. Одоог хүртэл хэлэлцүүлж өгөөгүй. Энэ хуулиар ААН-үүдийн орлого 1.5 тэрбумаас доошоо бол 1 хувийн татвар төлдөг, жилдээ хоёр удаа тайлан гаргах, энгийн болгох зэрэг улс орон даяар хэлэлцүүлэг хийсэн татварын хуулийн төсөл. Тендэрийн тухай хууль байна.
-Сангуудын шалгалт юу болж байна вэ?
-Шалгаж байна. Зарим сангуудыг эргэж шалгах, нягтлах нөхцөл гарч байна. Тариалан эрхлэлтийг дэмжих сангд улсын төсөвт буцааж төлөх ёстой хугацаа хэтэрсэн өрийн хэмжээ нэмэгдэж, 132 тэрбум төгрөг байна. Нэгдүгээр сардаа багтааж Засгийн газрын хуралдаанд оруулна.
-Ноцтой зөрчил байна уу?
-Цаг хугацаандаа төлөгдөхгүй байгаа нь ноцтой зөрчил.
-Төрийн банкны Баярсайхан захирлын холбогдсон хэрэг өмнөх Засгийн газрын үед хийгдсэн асуудал уу?
-Төрийн банкнаас 20 тэрбум төгрөгийн зээл олгосон асуудал үүссэн. Үүнтэй холбоотой н.Баярсайханыг шалгаж байна гэж ойлгосон.
-Хяналтын их хэмжээний мөнгө гарч болох уу?
-Тэгсэн байна лээ. Сангийн сайдаар очсоноос хойш би үүнийг зогсоосон.
Н.Энх
Уншиж байна |