Төрийн байгуулалтын байнгын хорооны хуралдаанаар Ерөнхийлөгчийн өргөн барьсан хуулийн төслийг хэлэлцлээ. УИХ-ын даргыг гишүүдийн олонхийн саналаар чөлөөлөх заалттай уг хуулийн төсөлд гишүүд асуулт тавьж, саналаа хэлэв. Байнгын хорооны байтугай чуулганы хуралдаандаа ховорхон ирдэг гишүүдийн нэг Б.Наранхүү тус байнгын хорооны хуралдаанд ирсэн байлаа. Нимгэн хөх ногоон куртик, хар цамцтай байнгын хорооны хуралдаанд оролцсон тэрбээр:
-Бид өмнөх дөрвөн жилд зодоон болж зодолддог газар Засгийн газар байсан. Одоо бидний зодоон хоёр дахин нэмэгдэж байна. УИХ-ын даргын суудал дээр бие биентэйгээ зодолдох нь. Хоёр дахин ихсэх зодооноо Монголын парламент дийлэхгүй шүү. Зодоон хоёр дахин ихсэхэд дахиад хоёр дахин өснө. Үүнээс үүдэх хагарал, тэмцэл цааш үргэлжлэх вэ. Хүн гүтгэх болохоороо тэр шүүх хамаагүй гэж дайрч давшдаг. Үүн дээрээ сайн анхаараарай гэж хүсье хэмээн байр сууриа илэрхийлж байв.
Н.Нягт