АН-ын бүлгээс УИХ-ыг тараахаар гишүүдийн гарын үсгийг цуглуулж эхэллээ. Одоогоор АН-ын долоон гишүүн УИХ-ыг тараах гарын үсгээ зураад буй. Тэдэн дээр МАН-аас УИХ-ын гишүүн Ж.Мөнхбат нэмэгдэж, гарын үсгээ зурлаа.
-Та УИХ-ыг тараах тогтоолын төсөл санаачилж, гишүүдийн гарын үсэг цуглуулж байгаа. Гэтэл сая АН-ын самбар дээр гарын үсэг зурлаа?
- Одоо улстөрчид бие биенийхээ цэцэн, тэнэгийг гайхах цаг хугацаа биш. Ард түмнээрээ дүнгээ тавиулъя гэсэн зарчмын байр суурийг би илэрхийлж байгаа.
Өчигдөр миний бланкин дээр Ж.Батзандан гишүүн гарын үсэг зурсан. Өнөөдөр АН-аас УИХ-ыг тарах зарчмын байр суурийг дэмжиж байгаа гишүүд гарын үсгээ зурна уу гэсэн самбар байрлуулсан байна. Би АН-ын бланкан дээр гарын үсэг зурахгүй. Харин энэ зарчмын байр суурийг нь дэмжиж байгаагаа илэрхийлж, энэ самбар дээр гарын үсгээ зурлаа.
-Таны бланкан дээр хэдэн гишүүн гарын үсэг зурсан вэ?
-Миний бланкан дээр 15 гишүүн гарын үсэг зураад байсан. 16 дахь нь Ж.Батзандан гишүүн болж, өчигдөр гарын үсгээ зурсан. Миний бланкан дээр гарын үсгээ зурсан гишүүдэд энэ самбар дээр гарын үсгээ зураач гэсэн уриалга, хүсэлтийг хүргүүлнэ.
М.Болд