Мексикийн “Синалоа” гэх хар тамхины бүлэглэлийн тэргүүн “Эль Чапо” хочит Жоакин Гузманы шүүх хурал өдгөө АНУ-д үргэлжиж байна.

Гузман өнгөрөгч 2017 оны нэгдүгээр сард Мексикээс АНУ-д шилжүүлэн авчирсан ба түүнийг хар тамхи хилээр давуулсан, борлуулсан, авлига өгсөн, хүний наймаа, аллагатай холбоотойгоор шүүж буй юм.

Түүнтэй олон жил ойр ажилласан Алекс Сифуэнтес гэгч өчигдрийн шүүх хуралд оролцсон талаар "Ройтерс "агентлаг мэдээллээ.

Тэрбээр "Гузман Мексикийн экс Ерөнхийлөгч Энрик Пена Нетод 2016 оны аравдугаар сард 100 сая ам.долларыг өгсөн. Би гэрчилж байна" гэж хэлжээ. 

Гузман хар тамхины бүлэглэлийн толгойлогч, онц ноцтой гэмт хэрэгтэн, эрэн сурвалжлагдаж буй "Эль Майо” хочит Замбадаг хамгаалахыг хүсч дээрх мөнгийг төрийн тэргүүндээ өгчээ.

Энрик Пена Нето бол 2012-2016 оны хооронд Мексикийн Ерөнхийлөгчөөр ажилласан юм. Авлигын асуудлаар экс тэргүүн болон Мексикийн албаныхан мэдээлэл хийгээгүй байна. 

Б.Дэлгэрцэцэг