11:30 цаг:
НИТХ-ын хуралдааны үеэр хэсэг иргэд ТҮЦ-ийн үйл ажиллагааг зогсоосныг эсэргүүцэж, НИТХ-ын дарга С.Амарсайханд шаардлага тавьж байлаа. Хуралдаан түр завсарласны дараагаар цагдаагийнхан иргэдийг хурлын танхимын гаднаас гаргасан юм. Үүнд НИТХ-ын хэвлэлийн төлөөлөгч Ц.Мөнхбаатар:
-НИТХ-ын хуралдааныг бид шууд дамжуулан үзүүлж байна. Хурлын дарга гэдэг хүн "ТҮЦ" буулгах, ачих асуудлыг шийдэхгүй. Иргэд бичгээр санал хүсэлтээ гаргаж өгөх ёстой. Хурлын дундуур шууд орж ирж хэлж болохгүй. Энэ бүхний цаад шалтгааныг та бүхэн ойлгож байгаа байх гэсэн тайлбарыг хийв.
11:20 цаг:
НИТХ-ын ээлжит бус VII хуралдаан төлөөлөгчдийн 60 хувийн ирцтэй эхэллээ. Хуралдаанаар нийслэлийн Засаг даргыг томилох асуудлыг хэлэлцэх юм. НИТХ-ын дарга С.Амарсайхан хэлэлцэх асуудлыг танилцуулан баталлаа.
Нийслэлийн Засаг дарга бөгөөд Улаанбаатар хотын захирагчид МАН-ын Удирдах зөвлөлөөс НИТХ-ын дарга С.Амарсайханыг нэр дэвшүүлсэн юм. Харин заалнаас төлөөлөгч С.Мөнхчулуун нэрээ дэвшүүлэхээ мэдэгдээд байгаа.
НИТХ-ын ээлжит бус хуралдааныг эхлэхтэй зэрэгцээд хуралдааны танхимын гадна "шударга ёсыг шаардсан иргэдийн төлөөлөл лоозон барьж жагссан байлаа.
НИТХ-ын МАН-ын бүлгийн дарга Р.Дагва нийслэлийн Засаг дарга нэр дэвшигчийг танилцуулах юм. Харин НИТХ дахь АН-ын бүлэг нэг цагийн завсарлага авах санал гаргалаа. Тиймээс хуралдаан түр завсарлалаа.
Н.Энх
Уншиж байна |