Америкийн “www.wikihow.com” сайт нойргүйдэлтэй тэмцэх зөвлөмжийг нийтэлжээ.
Алхам №1
Зөвхөн нойроо хүрсэн үед л орондоо орж байх. Орондоо хий дэмий хэвтэхийн оронд нойр хүрсэн үедээ хэвтвэл таны нойр үргэхгүй давуу талтай.
Алхам №2
Орондоо ороод 15 минут болоход унтахгүй байвал буцаж босоод нойроо хүрэхийг хүлээнэ. Дахиад унтаж чадахгүй байвал бас дахиад л бос.
Алхам №3
Цаг руу харахгүй байхыг хичээх.
Алхам №4
Унтах, сэрэх цагийг тогтмолжуулах. Энэ нь таны амьдралын дадалтай шууд холбоотой. Та ажил эхлэхээс хоёр цагийн өмнө сэрэх хэрэгтэй. Насанд хүрсэн хүн 7-8 цаг унтахад хангалттай учир тооцоо гаргаж, унтах цагаа гаргаарай.
Алхам №5
Өдөр унтахад биеийн алжаал тайлагдаж, амардаг. Харин нойргүйдлийн асуудалтай хүн аль болох өдрийн цагаар нойр авах хэрэггүй. Учир нь шөнө таны хүрэхгүй таныг зовоох аюултай.
Алхам №6
Унтахын өмнө тайван орчинд байх. Оройд хүнд хүчир ажил хийх, хэрүүл маргаан хийхгүй байх. Учир стресс тархийг ажиллуулж, таныг гүн нойронд умбуулахгүй.
Алхам №7
Орондоо ороод биеээ сул тавьж өөрийгөө чагнах. Зүрхний цохилт, амьсгал дээрээ анхаарлаа төвлөрүүлж өдөр болсон ажил хэрэг, бусад асуудлыг бодохгүй байх.
Алхам №8
Унтахын өмнө их идэхгүй байх. Учир нь хоол таныг унтаж, амрахад хугацаанд ходоодыг ажиллуулдаг. Улмаар тархи амрахгүй. Хэдий унтаж байгаа ч тархи ажиллаж байвал таны бие бүхэлдээ амарч чадахгүй.
Алхам №9
Өөртөө таалагддаг, өмсөхөд л таашаал авах унтлагын хувцас өмсч байх.
Алхам №10
Унтахын өмнө телевизор үзэхгүй байхыг хичээх, аймшгийн болон бусад сэтгэл догдлуулсан кино үзэхгүй байх, зөвхөн эерэг тайван кино үзэх, мөн хөгжим сонсох
Алхам №11
Өдрийн ядаргаагаа тайлахын тулд унтахаасаа хэдэн цагийн өмнө хөнгөн дасгал хийх, эсвэл агаарт алхахад нэн тустай байдаг. Үүнийг тогтмол хийж байхыг хичээх
Б.Дэлгэрцэцэг
Уншиж байна |