Засгийн газрын баталсан Эрүүл шүд-эрүүл хүүхэд үндэсний хөтөлбөр өнгөрсөн дөрөвдүгээр сараас хэрэгжиж эхэлсэн. Тавдугаар сарын 24-ны байдлаар тус хөтөлбөрт нийт 31 618 хүүхэд хамрагдаад байна. 2-4 насны хүүхдүүдийн шүдэнд нэг удаа 60 мянган төгрөгийн эмчилгээ хийх тус ажил цахим системд шилжихээр бэлтгэл ажил хийгдэж байна.
Ингэхдээ хүүхдийн эцэг эх, асран хамгаалагчийн хурууны хээг уншуулж, шүдний эмчилгээ үйлчилгээ үзүүлэх юм байна. Одоогоор хөтөлбөр хэрэгжүүлэгч эмнэлгүүдийг системд холбох програмын ажил хийгдэж буй бөгөөд ирэх зургаадугаар сарын нэгнээс хурууны хээг уншуулж эхлэх аж.
Б.Болд
Уншиж байна |