БНХАУ руу сэжигтэн шилжүүлэх тухай хуулийн төслөөс нэг мөр эцэслэн татгалзаж байгаа тухай мэдэгдлийг Хонгконгийн захиргааны тэргүүн Кэрри Лам есдүгээр сарын дөрөвний өдөр хийнэ гэж South China Morning Post сонин мэдээллээ.
Зургаадугаар сараас Хонгконгод эхлэсэн эсэргүүцлийн давалгааны гол шалтгаан болсон, БНХАУ-ын хууль тогтоомжийг зөрчсөнд сэжиглэгдэж буй этгээд болон эрэн сурвалжлагдаж байгаа этгээдүүдийг Хонгконгоос эх газрын Хятад руу шилжүүлэх тухай хуулийн төслийг өмнө нь олон нийтийн шахалтын улмаас хэлэлцүүлэхээ зогсоогоод байв.
Энэ хуулийг батлавал Хонгконгийн хүний эрхийн төлөөх тэмцэгчид эх газрын Хятадад очин дарамт шахалтан дор ял эдлэн, хүний эрх эрх чөлөөг боогдуулсан явдал газар авна гэж үзсэн хонгконгчууд гурван сарын туршид эсэргүүцлээ илэрхийлэн, улмаар энэ ажиллагаа нь сүүлийн үед эмх замбараагүй байдалд шилжих болсон юм.
Г.Бямбасүрэн
Уншиж байна |