Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2020.12.07/ хийлээ.

ХӨСҮТ-ийн Тандалт судалгааны албаны дарга А.Амбасэлмаа:

-Коронавирусийн эмнэл зүйн шинж тэмдгийн хувьд хуурай ханиалгах шинж тэмдэг 36,7 хувьд нь илэрч байна. Хамар битүүрэх, хоолой хөндүүрлэх, халуурах, толгой өвдөх, нусгайрах шинж тэмдэг 10-19 хувьд нь илэрч байгаа. Үнэр амт алдагдах, дотор муухайрах, хоолонд дургүй болох, булчин өвдөх, ядрах, үе мөч өвдөх шинж тэмдэг 3,4-5,4 хувьд нь илэрч байна. Суулгах, хамраас цус гарах, хамар хоолой хуурайших, ухаан балартах, амьсгаадах, хавиргаар  хатгуулах, цээж  хөндүүрлөх зэрэг шинж тэмдгүүд 0-2 хувьд нь илэрч байгаа.

Насны хувьд 3 сартай хүүхдээс эхлээд 91 насны хүмүүс эмчлэгдэж байна. 0-9 насны хүүхэд 51, 65-аас дээш насны хүн 20, энэ дотроос өндөр настай буюу 80 настай 2, 81настай 91 настай хүн эмчлэгдэж байна. Хүйсийн байдлын хувьд 212 эмэгтэй  бусад нь эрэгтэй хүн байна.

М.Насан