Өнгөрсөн 11 дүгээр сард болсон сонгуульд ялагдсанаа хүлээн зөвшөөрөхгүй байгаа АНУ-ын өнөөгийн Ерөнхийлөгч Дональд Трампыг дэмжигчдийн зохион байгуулсан эсэргүүцлээс үүдэлтэй эмх замбараагүй байдал дөрвөн хүний аминд хүрчээ. Өмнө нь Агаарын цэргийн хүчний ахмад Эшли Бэббит хүнд шархдасны улмаас амиа алдсан талаарх мэдээлэл гарсан юм.  

"Капитолийн цагдаагийн нэг алба хаагч албаны зэвсгээрээ эмэгтэй рүү буудсан. Эмэгтэйг орон нутгийн эмнэлэгт хүргэж, амь насыг нь аврахаар эмч нар ажилласан ч тэрбээр нас барлаа. Түүнчлэн Капитолийн ойролцоо дахин гурван нас баралт бүртгэгдсэн мэдээлэл ирсэн" гэж Вашингтоны цагдаагийн газраас мэдээлжээ.

Цагдаагийнхны  мэдээлснээр, "яаралтай тусламж авах шаардлагатай хэрэг гарсаны улмаас" гурван хүн амиа алдсан бөгөөд тэд бүгд насанд хүрсэн хүмүүс байсан гэнэ.

Түүнчлэн эмх замбараагүй байдлын үеэр 52 хүн баривчлагдсанаас зарим нь хууль бусаар биедээ зэвсэг авч явсан хэргээр, харин ихэнх нь Колумбийн тойрогт тогтоосон хөл хорих цагийг зөрчсөн хэргээр баривчлагджээ.

Вашингтонд юу болж өнгөрөв? 

Лхагва гарагт Капитолийн ордны орчимд Трампыг дэмжигчид эмх замбараагүй байдал үүсгэсэн юм. Үүнээс өмнө Трамп тэдэнд хандан мэдэгдэл хийхдээ Капитоли руу явахыг уриалсан бөгөөд ийнхүү жагсагчдыг турхирснаар 4 хүний аминд хүрэв. Хожуухан, Трамп жагсагчдыг гэртээ харихыг уриалсан ч байдал нэгэнт хурцадсан байлаа. 

Трампыг дэмжигчид Конгрессын барилгыг эзлэн орж, хуралдаануудыг тасалдуулан эмх замбараагүй байдал үүсгэсний улмаас хууль сахиулагчид тэдний эсрэг нулимс асгаруулагч хий, гэрэлт дуут гранат ашиглан барилгаас шахан гаргасан байна. Улмаар орон нутгийн цагаар нэгдүгээр сарын зургааны 18.00 цагаас эхлэн (shuud.mn: Улаанбаатарын цагаар нэгдүгээр сарын долооны 09.00 цаг) хөл хорих цаг тогтоожээ. 

Конгрессын ордныг эсэргүүцэгчдээс чөлөөлж, Вашингтонд хөл хорих цаг тогтоов

АНУ-ын Ерөнхийлөгчөөр сонгогдсон Жо Байден эмх замбараагүй байдлын үеэр иргэддээ хандан мэдэгдэл хийсэн юм. Тэрбээр эдэгдэлдээ Вашингтон дахь эсэргүүцэгчдийг хүчирхийллээ зогсоож, "ардчилалд зам тавьж өгөх"-ийг уриалсан байна. Мөн болж буй үйл явдлыг эсэргүүцэл биш харин Америкийн ардчилсан тогтолцоонд аюул учруулж буй үймээн хэмээн нэрлэсэн юм. 

Вашингтон: Эсэргүүцэгчдээс нэг хүн амиа алдаж, Байден мэдэгдэл хийв

Ялагдлаа хүлээн зөвшөөрөөгүйн улмаас нийслэлдээ, тэр дундаа төрийн ордондоо эмх замбараагүй байдал үүсгэх үндсийг тавьсан Трампыг АНУ-ын Ерөнхийлөгчөөр ажиллаж байсан хүмүүс эрс шүүмжилсэн юм. Түүнчлэн олон улсын зүгээс болж буй үйл явдалд "цочирдсон" хэмээн мэдэгдэж, сонгуулийн үр дүнг хүлээн зөвшөөрөхийг уриалав. 

Вашингтон дахь эсэргүүцэл: Хэн, юу хэлэв

Г.Бямбасүрэн