Дэлхийн эрүүл мэндийн байгууллагын шинжээчид COVID-19 тахал дэгдэхэд Хятадын Ухань хот дахь захын гүйцэтгэсэн үүргийг илтгэх "чухал сэжүүр" олсон гэж Блүмберг агентлаг мэдээллээ.
COVID-19-ийн үүслийг судлах ажилд оролцон, хөндлөнгийн шинжээчдийн багт багтаж буй Нью-Йоркийн зоологич Питер Дашакийн өгүүлснээр шалгалтын явцад илрүүлсэн мэдээллүүд нь мөрдөн шалгах ажилд нэн чухал, гэхдээ ямар сэжүүр олсноо хэвлэлд шууд мэдээлж болохгүй, албан ёсны судалгааны дүн гартал нууц хэвээр байх гэнэ.
"Энэ ажлын сүүлээр бид ямар нэг үнэ цэнтэй зүйл хэлж чадахаар боллоо. Маш үнэтэй, гэхдээ дэлгэрэнгүй мэдээлэл өгөх боломжгүй" хэмээн Дашак өгүүлсэн байна.
Түүний онцолсноор Уханийн зах дээр ажилласан нь шинжээчдийн хувьд тун үр дүнтэй байсан гэнэ. Зах дээр үлдсэн сэжүүрүүд вирусийн үүслийг тогтоох ажилд тусалсан гэж Дашак мэдэгджээ.
"Зах бараг хүний гар хүрээгүй шахам. Хүмүүс яаралтай захыг орхин гарч, тоног төхөөрөмж, сав суулга болон болсон үйл явдлыг гэрчлэх баримтууд тэндээ үлджээ" хэмээн шинжээ нэмж өгүүлсэн байна.
Дашакийн мэдэгдсэнээр, тахлын үүслийн замыг тогтооход хүндрэлтэй, ихээхэн цаг хугацаа шаардах хэдий ч Уханьд ажилласан томилолтын төгсгөлөөр шинжээчид цар тахлын үүслийг тайлбарлах хатуу байр суурьтай болно гэдэгт итгэлтэй байгаа гэнэ.
Г.Бямбасүрэн
Уншиж байна |