Ерөнхийлөгч Х.Баттулга маргааш дээд шүүхийн шүүгчидтэй уулзана
2021-04-22

 

Монгол Улсын Ерөнхийлөгч Халтмаагийн Баттулга 2021 оны дөрөвдүгээр сарын 19-ний өдөр захирамж, өнөөдөр буюу 2021 оны дөрөвдүгээр сарын 22-ны өдөр нийт ард түмэндээ хандан илгээлт гаргаж, “Монгол ардын намыг тараах” үндэслэл бүрэн бүрдсэнийг нотлон зарлаж, Улс төрийн намын тухай хуулийн 23 дугаар зүйлийн 23.2 дахь хэсэгт заасны дагуу шийдвэрлүүлэхээр болсон.

 

Монгол Улсын Ерөнхийлөгч Халтмаагийн Баттулга үүнийхээ дагуу маргааш буюу 2021 оны дөрөвдүгээр сарын 23-ны өдрийн 11:00 цагт Улсын Дээд шүүхэд өөрийн биеэр очиж, Монгол ардын намыг тараах тухай үндэслэлийг нийт шүүгчдэд нь танилцуулж, нотлох баримт, холбогдох бусад материалуудыг хүлээлгэн өгөхөөр боллоо.

 

2021 оны гуравдугаар сарын 01-ний өдрөөс хэрэгжиж эхэлсэн Монгол Улсын шүүхийн тухай хуулийн 25 дугаар зүйлийн 25.8 дахь хэсэгт улс төрийн намын бүртгэлийг хөтлөх нь Улсын Дээд шүүхийн бүрэн эрх байхаар хуульчилсан тул Монгол ардын намыг тараах асуудлыг тус шүүх нийт шүүгчдийн хуралдаанаараа хэлэлцэн шийдвэрлэх юм байна.

 

Монгол Улсын Ерөнхийлөгч Халтмаагийн Баттулга ард түмэндээ хандан гаргасан илгээлтдээ “Улс төрийн намыг бүртгэх, бүртгэлээс хасах, тараах шийдвэр гаргах нь Улсын Дээд шүүхэд харьяалуулсан Улсын бүртгэлийн үйл ажиллагаа, төрийн тэргүүн өөрийн үйл ажиллагааны хүрээнд тогтоож, нотлон хүргүүлж байгаа баримт, материалыг Улсын дээд шүүх нэн хариуцлагатайгаар хүлээн авч, шийдвэрлэнэ” гэдэгт найдаж байгаагаа илэрхийлээд, Монгол ардын намыг тараах шийдвэрийг гаргах нь Улсын Дээд шүүхэд хуулиар хүлээлгэсэн үүрэг тул Үндсэн хуулиар хамгаалсан, хэн ч хөндлөнгөөс нөлөөлөхгүйгээр хуульчилсан шүүх эрх мэдлийн “шүүн таслах” үйл ажиллагаатай холбож мушгих шаардлагагүй, тийм боломж ч байхгүй гэдгийг онцолсон юм.

Shuud.mn
Сонин хачин
орбөорхбөорых:
МАН-ыг нь тараах нь зөв.
2021-04-23
Зочтн:
Засаг чадлаараа л ажиллаж байгаа. Хүрэлсүх ч чадлаараа л ажилласан. Энэ ерөнхийлөгч элдэв хор найруулж дарамталсаар байгаад огцруулсан. Яаж ингэж Монголын ард түмнийг басамжилж чадаж байна аа. Яахаараа энэ хүн шүүхэд очиж нөлөөлж байдаг юм бэ. Хууль хүн бүрд адил тэгш үйлчлэх ёстой. Одоо огцруулах хангалттай үндэслэл боллоо доо.
2021-04-22
орбөорхбөорых:
МАН-ыг нь тараах нь зөв.
Зочин:
Энэ балай болье тэгж шуух дээр очиж болдог юм уу Монгол улсыг самарч ард тумнийг талцуулаад бна энэ хунийг хурдан улс тороос зайлуулаад явуулах хэрэгтэй дээ
2021-04-22
энхээ:
Ерөнхийлөгч дээд шүүхэд хандсан бол бусад иргэний адил урьдчилан уулзах хуулиар хориотой. Хэн түүнд хуулиас дээгүүр эрх олгосон юм бол. Улсын дээд шүүхийн бүрэлдэхүүн нөлөөллийн мэдүүлгээ бөглөөд татгалзах болов уу.
2021-04-22
Зочин:
МАН тарах нь цаг хугацааны асуудал юм. Монголчууд бид маш түрэмгий, хүчтэй, муйхар засаглалын ирмэгт тулж ирлээ.Монгол илжигнүүд модон хударгандаа дуртай буюу.
2021-04-22
Зочин:
Ингэж хууль зөрчиж болдог юм уу. Шүүхийг дарамталж байгаа юм байна л даа. Харин одоо даварч байна даа. Энэ хүнийг яаралтай зайлуулахгүй бол ард түмэн хохирч мэдэх эрсдэл ч байна шүү.
2021-04-22
Mongol yalaagui yalagdsan gedgiig teneg muihar uildluudeeree batlaad baina daa. Uhaan alga, medleg bol9vsrol alga ene hund.
2021-04-22
Зочин:
Женко битгий тэнэгт зайлуулья ард тумэн давалгаалах хэрэгтэй
2021-04-22