Онцгой байдлын алба хаагч осолдсонтой холбоотой талийгаачийн ар гэрийнхэн мэдээлэл хийлээ.

Талийгаачийн ах Э.Мөнх-Эрдэнэ: 

-Ж.Одгэрэл гэх эмэгтэйтэй өмнө уулзаж байгаагүй. Арванхоёрдугаар сарын 03-ны өдөр дүүгээ өнгөрснийг мэдээд бид очсон. Тухайн үед л охиныг харсан. Бид бүгдийг хэцүү байдалд оруулж байна. Арванхоёрдугаар сарын 03-ны орой цогцос таниулах явцад өөрийг нь дуудсан. Дүүгийн маань найз охин л гэж мэдэж байсан. Бид орж дүүгээ хараад гарсан. Тэр үед бүтэн биеэр нь харсан мэтээр цахим орчинд мэдээлж байна. Ээж аав ах дүү нараасаа тэг үйл явцыг нуусан байсан. Гэтэл бүсгүйн мэдээллээс болж ээж аав маань гүн хямралд орсон. Ээж аав хоёр маань нутаг орондоо нэр хүнтэй, жирийн нэг малчин хүмүүс. Яагаад тэр бүсгүй ийм зүйл яриад яваад байгааг ойлгохгүй байна. Гомдолтой. Дүүг маань өнгөрсний маргаашаас эхлээд л цахим хуудсаар эхэлж мэдээлэл цацаж, дайрч эхэлсэн.

Цогцос таниулсны дараа тухайн бүсгүйтэй очиж уулзаж, манай гэр бүлтэй уулз гээд гэртэй авч очсон. Гэрт очсон цагаас эхлээд л бид бүхнийг буруутгаж цахим орчинд мэдээлэл цацаж байна. Баримт нотолгоотой учир цагдаад өгч шалгуулна.

Талийгчийн дүү Э.Нандинчимэг:

-Тухайн бүсгүйг манай гэр бүлийнхэн ахынхаа нас барсан өдөр харсан. Өмнө нь харж байгаагүй. Ах маань найз охинтой болсон гэж хоёр  сарын өмнө нь утсаар хэлж байсан. Гэхдээ уулзаж байгаагүй. Тэр бүсгүйг гэрт минь ирээд эмгэнэл илэрхийлж, ээж аав хоёрыг маань түшээд суух болов уу гэж бодсон боловч бидний эсрэг үйлдэл хийсэн. Энэ нь маш хүнд цохилт боллоо.

Төрсөн дүү нь зодсон, одон медалийг нь шидсэн гэх мэдээлэл нь худлаа. Хэзээ ч тэгэхгүй. Буяны ажилтай байхад бидний сэтгэлээс ийм зүйл гарахгүй. Орж ирээд буянд нь өгсөн мөнгө өө эргүүлж авмаар байна гэхэд нь ээж маань мөнгийг нь буцааж өгсөн. Мөнгө авчихаад ахын маань зурагны хажууд тавьсан одон медалийг аваад зугтсан. Гэтэл буруу мэдээлэл олон нийтэд тараасанд бид харамсаж байна. Хууль ёсны байгууллагынхан үнэн зөвөөр шалгаж өгөхийг хүсэж байна.

М.Насан