ОХУ-ын Ерөнхийлөгч Владимир Путин Узбекистанд ажлын айлчлал хийхээр очсон талаар Коммерсант агентлаг мэдээлжээ. Тэрбээр айлчлалын хүрээнд Шанхайн хамтын ажиллагааны байгууллагын гишүүн орнуудын зөвлөлийн хуралдаанд оролцох юм байна.
ШХАБ-ын дээд хэмжээний уулзалт есдүгээр сарын 15-16-ны өдрүүдэд Узбекистаны Самарканд хотод болох бөгөөд уулзалтад 15 орны төрийн тэргүүн оролцох төлөвтэй гэж эх сурвалж мэдээлжээ.
Пүрэв гараг үдэш Узбекистаны Ерөнхийлөгч Шавкат Мириёев үдийн зоогт зочдыг урьснаар дээд хэмжээний уулзалт эхлэх юм байна. Харин есдүгээр сарын 16-ны баасан гарагт ШХАБ-ын уулзалтууд болохын дээр энэ үеэр Путин хоёр талт уулзалтууд ч хийх аж.
Тэр дундаа, Хятадын дарга Ши Жинпинь, Киргизийн Ерөнхийлөгч Садыр Жапаров, Туркменистаны Ерөнхийлөгч Сердар Бердымухамедов нартай хоёр талт уулзалт хийх юм байна. Энэ уулзалтад манай улсын Ерөнхийлөгч У.Хүрэлсүх оролцож байгаа бөгөөд тэрбээр Орос, Хятад, Монголын гурван талт уулзалт оролцох юм.
Г.Бямбасүрэн
Уншиж байна |