Украинд дайн өдүүлснийх нь улмаас ОХУ-ын эсрэг барууны орнууд хориг тавьж, дэлхийн томоохон брэндүүд Орост үйл ажиллагаагаа хэвийн явуулах боломжгүй болсон. Улмаар Оросын зах зээлээс дэлхийн томоохон компаниуд ээлж дараалан гарсаар байгаа юм.
Ийм компаниудын нэг болох Америкийн Yum! Brands холдинг KFC-ийн 70 зоогийн газар зэрэг Орос дахь бизнесээ тус улсын түншдээ шилжүүлэн өгөх ажлыг эхлүүлсэн талаар Регнум агентлаг мээдэлсэн байна. Франчайзын бүхий л хөрөнгийг "Фуд-сервис" компани худалдан авахаар болжээ. Оросын мэдэлд шилжсэн KFC сүлжээ зоогийн газар Rostic's нэрээр хэрэглэгчдэд хүрэх юм байна.
Орост KFC-ийн зоогийн газар нийтдээ 1000 гаруй байдаг. Үүнээс ердөө 70-ыг нь Yum! Brands-ийн Орос дахь салбар эзэмшдэг, үлсдэн нь хараат бус эзэмшигчидтэй аж.
Г.Бямбасүрэн
Уншиж байна |