Хойд Солонгос "шинэ төрлийн стратегийн зэвсгийн систем"-д зориулсан "хатуу түлштэй хөдөлгүүр" амжилттай туршсан талаар Солонгосын цахим мэдээллийн төв агентлаг мэдээлжээ. 

"Үндэсний батлан хамгаалах академийн нэгэн хүрээлэн анхны, 140 тонн зүтгүүртэй, хүчин чадал ихтэй хатуу түлшит хөдөлгүүрийн галын туршилтыг 12 дугаар сарын 15-ны өдөр Сохэ сансрын буудалд амжилттай хийлээ" хэмээн мэдээлэлд өгүүлжээ. Энэ нь шинэ төрлийн стратегийн зэвсгийн систем боловсруулахад "найдвартай эрдэм шинжилгээ, техникийн баталгаа" болсон хэмээн агентлаг цохон тэмдэглэсэн байна.

Солонгосын цахим мэдээллийн төв агентлагийн мэдээлснээр, туршилтыг Хойд Солонгосын тэргүүн Ким Жон Ун удирджээ. Тэрбээр "шинэ төрлийн стратегийн дахин нэг зэвсэг богино хугацаанд бүтээгдэнэ" гэдэгт найдаж байгаагаа илэрхийлсэн байна.

Г.Бямбасүрэн