Сүүлийн 84 жилд болоогүй хүчтэй газар хөдлөлийн гамшигт нэрвэгдсэн Турк, Сири улсуудад олон улс тусламжийн гараа сунгасаар байна. Дэлхийн өнцөг булан бүрт байгаа алдартнууд хандив, хоол хүнс, хувцас зэрэг чадах бүхий л зүйлсээрээ хандив тусламж үзүүлэхийг олон нийтэд уриалж, өөрсдөө ч мөн тусламжийн гараа сунгаж байгаа билээ. 

Турк Сирид хандив тусламж үзүүлж буй алдартнууд: 

Европын хөл бөмбөгийн холбоо өнгөрсөн баасан гарагт Турк, Сири дэх хүмүүнлэгийн үйл ажиллагаанд тусламж үзүүлж 200,000 евро хандивлажээ. Мөн Туркийн Хөлбөмбөгийн Холбоонд 150,000 евро Турк болон Сирийн өмнөд хэсэгт гамшгийн үед туслах хоёр байгууллагад 50,000 евро тус тус  хандивласан байна. Португалийн супер од Криштиану Роналду болон "Сери А" лигийн хамтрагчид болох Леонардо Бонуччи, Пауло Дибала нартай ярилцаж, газар хөдлөлтийн гамшгийг арилгахад туслаж гарын үсэгтэй өмсгөлүүдийг дуудлага худалдаанд Роналдугийн өмсгөл хамгийн өндөр үнээр 210 мянга гаруй ам.доллар болсон байна. Энэхүү дуудлага худалдааны мөнгийг Турк болон Сирийн ард иргэдэд хандивласан байна.

Хөлбөмбөгийн алдарт тамирчин Лионель Месси газар хөдлөлтөд нэрвэгдэгсдэд зориулж 3.5 сая евро хандивласан байна. 

Харин дуучин Селена Гомез, Женнифер Лопез, Шакира тэргүүтэй алдартнууд Туркийн 10 муж, Сирийн газар хөдлөлтийн улмаас хохирсон хүмүүст цахим хуудсаараа дамжуулан дэмжлэг өгөхийг олон нийтэд уриалж зураг хийсэн ба өөрсдийн зүгээс байж болох тусламжмийг хүргэсэн байна. 

Солонгосын алдарт жүжигчин Шин Мин А мөн 50 сая вон (ойролцоогоор 40,000 доллар) -ийг Найдварын гүүрний үндэсний гамшгийн тусламжийн нийгэмлэгт хандивласан байна.

Мөн Жан Гын Сук газар хөдлөлтөд нэрвэгдсэн Турк, Сирийн оршин суугчдад туслах зорилгоор НҮБ-ын Солонгосын хороонд 100 сая вон хандивласан байна.

Нэвтрүүлэгч Жан Сон Гу өөрийн SNS хуудсандаа 23 сая вон (ойролцоогоор 18,000 доллар) хандивласан тухайгаа “Дахиж хүний ​​амь нас хохирохгүй, хоёр хүний ​​хохирол учрахгүй байх гэж найдаж байна” гэсэн нийтлэлийн хамт нийтэлжээ.

Жүжигчин Ёо Ин На 30 сая воныг "Hope Bridge" үндэсний гамшгаас хамгаалах нийгэмлэгт, Ли Ён Жин Солонгосын Улаан загалмайн нийгэмлэгт 30 сая вон хандивласан байна.

Харри Поттерын зохиолч Ж.К.Роулинг "Lumos" буяны байгууллагын яаралтай уриалгад зориулж 1 сая фунт стерлинг (1.3 сая доллар) хүртэл хандив өгсөн байна. 

Супер модель Жижи Хадид 2022 оны намрын нислэгийн талбайн шоунаасаа олсон орлогоо Украины дайн болон Туркэд болсон газар хөдлөлтийн гамшигт нэрвэгдсэн хүмүүст хандив тусламж үзүүлнэ гэдгээ амлав. 

Дуучин Ариана Гранде Турк, Сирид тусламж үзүүлэхийг цахим хуудсаараа дамжуулан хүргэсэн ба өөрийн зүгээс 1 сая доллар хандивласан байна. 

Өмнөд Солонгосын жүжигчин Ли Янг-Аэ Украинд 100 сая вон (ойролцоогоор 80,000 доллар) хандивласан нь Сөүл дэх Украины Элчин сайдаар томилогдсон Дмитрий Пономаренкод дамжуулан өгсөн байна.