Хохирогчийг дарамталж, сүрдүүлсэн шүүгдэгчид цагдан хорих таслан сэргийлэх арга хэмжээ авсан байна. Энэ талаарх Хөвсгөл аймаг дахь Сум дундын эрүүгийн хэргийн анхан шатны шүүхийн шийдвэрийг хүргэе.

Хохирогч Э нь шүүхэд гаргасан хүсэлтдээ Ж нь өчигдөр над руу утсаар залгаад намайг дарамталж, сүрдүүлсэн тул би өмгөөлөгч авах хүсэлттэй байна гэжээ.

Шүүгдэгч Ж хохирогчийг дарамталж, сүрдүүлсэн талаар хохирогч Э нь шүүх хуралдаанд мэдүүлж байх тул шүүгдэгч Ж-д шүүхээс авсан хувийн баталгаа гаргах тухай таслан сэргийлэх арга хэмжээг өөрчилж, цагдан хорих таслан сэргийлэх арга хэмжээ авч шийдвэрлэв.

Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэххэсгийн 1.2-т “шүүгч, прокурор, мөрдөгч, хохирогч, гэрч, шинжээч, гэмт хэрэг хамтран үйлдсэн хүнийг дарамталсан, сүрдүүлсэн...баримт, мэдээлэл байгаа” бол яллагдагч, шүүгдэгчийг цагдан хорих үндэслэл болохоор хуульчилсан болно.

Тоймыг бэлтгэсэн: Хөвсгөл аймаг дахь Сум дундын эрүүгийн хэргийн анхан шатны шүүхийн шүүгч Т.Хүрэлбаатар