БНСУ төдийгүй дэлхийд алдартай BTS хамтлагийн V буюу Ким Тэ Хёний дотнын найзууд түүнийг цэргийн албаа сайн хаагаад ирэхийг хүсэж үдэлтийн уулзалт хийжээ. 

BTS-ийн ахлагч RM болон V нар өчигдрөөс цэргийн албаа хааж эхэллээ. Тэд 2025 оны зургаадугаар сард халагдах билээ.

Пак Со Жүн, Пак Хён Сик , Чой Вүү Сик , Пикбой зэрэг одуудын "Wooga Squad"-ийн хамгийн бага нь Тэхён бөгөөд хамгийн сүүлд цэрэгт татагдаж буй нь энэ юм. 

Жүжигчин Пак Со Жүн инстаграмдаа "Манай хамгийн бага маань цэрэгт татагдлаа, сайн яваад ирээрэй" гэж нийтэлсэн байна.

Солонгосын 18-28 насны эрчүүд хэрэв эрүүл мэндийн хувьд асуудалгүй бол бүгд 18-21 сарын хугацаанд цэргийн алба хаахыг хуулиар тогтоосон байдаг билээ.

BTS-ийн Тэхёноос гадна хамтлагийн ахлагч RM энэ сарын 11-ний өдөр цэрэгт татагдсан. Тэднийг хамтлагийнх нь бүх гишүүд үдэж өгсөн бөгөөд үлдсэн гишүүд болох Жимин, Жон Гүг нар өнөөдөр цэргийн албанд татагдах ажээ.