Палестины ХАМАС бүлэглэл 10 дугаар сарын долооны өдөр Израилын өмнөд хэсэг рүү гэнэт халдаж, 1400 орчим хүнийг хөнөөж, 200 гаруй хүн барьцаалан одсны хариуд Израил энэ бүлэглэлд дайн зарлаж, Газын зурваст цохилт өгч эхэлсэн. 

Хоёр сар гаруй хугацаанд үргэлжилж буй энэ дайны улмаас Газын зурвасын иргэд илүүтэй хохирч, энэ хугацаанд амиа алдсан хүний тоо 20 мянгад хүрчээ. Энэ талаарх мэдээллийг Палестины Засгийн газрын хэвлэлийн албаны эх сурвалжтайгаар Аль Жазира суваг дамжуулсан байна.

Мэдээлэлд онцолсноор, амиа алдсан хүмүүсийн 8000 гаруй нь хүүхдүүд, 6,2 мянган эмэгтэй байгаа бол 52 мянга гаруй хүн шархдаж, 6,7 мянган хүн сураггүй болжээ. Израилын цохилтын улмаас 310 эмнэлгийн ажилтан, 35 иргэний хамгааллын ажилтан, 97 сэтгүүлч амиа алдсан байна.

Г.Бямбасүрэн