ХЭҮК-оос хүний эрхийн анхаарал татсан асуудал, хэрэгжүүлж байгаа үйл ажиллагааны талаар өнөөдөр мэдээлэл хийлээ.

Хүний эрх хамгаалагчийн асуудал эрхэлсэн гишүүн С.Дондов “Хүний эрхийн хамгаалагчийн эрх зүйн байдлын тухай хууль батлагдсан цагаас хойш ХЭҮК-т хүний эрхийн хамгаалагчийн асуудал эрхэлсэн гишүүн томилогдож, хүний эрхийн хамгаалагчийн шинэ механизм ажиллаж эхэлсэн. Хүний эрх зөрчигдсөн тохиолдолд яах вэ. Дүгнэлт гаргах гол үйл явцыг хүний эрхийн хамгаалагчийн хорооны орон тооны бус гишүүд хэрэгжүүлдэг. ХЭҮК-ын дэргэд Хүний эрхийн хамгаалагчийн хороо ажиллаж байгаад бөгөөд энэ бүрэлдэхүүнд Хуульчдын холбооноос нэг гишүүн, Өмгөөлөгчдийн холбооноос нэг гишүүнийг томилсон. Мөн түүнээс гадна ашгийн бус иргэний нийгмийн байгууллагуудаас сонгон шалгаруулалтын үндсэн дээр дөрвөн гишүүн ажиллаж байна. Энэ хугацаанд хүний эрхийн хамгаалагчийн өнөөгийн нөхцөл байдал гэсэн судалгааг хийсэн. Бодит байдал дээр хүний эрхийн хамгаалагчийн үүрэг оновчтой бус байна.

Энэ жил бид иргэний нийгмийн байгууллагын мэргэжилтнүүд болон байгаль орчны хамгаалагч, сэтгүүлч зэрэг субъектуудад судалгаа хийх бэлтгэл ажлыг хангаад байна.

Хүний эрхийн хамгаалагч гэж хэн бэ гэдгийг олон нийтэд сурталчлан таниулах ажлыг нэлээд хийлээ. Орон нутагт хүний эрхийн хамгаалагчийн нөхцөл байдал хэр байна гэдэгт тусгайлан ажилласан. Жишээлбэл, байгаль хамгаалагчид өөрийнхөө эрх хэмжээнд хэрэг бүртгэл явуулж байгаа нь хариуцсан ажлаа хийхэд хүндрэл учруулж байгааг анхаарах шаардлагатай.

Энэ жилийн тухайд хүний эрхийн хамгаалагч хэн бэ гэдгийг нийгэмд маш сайн ойлгуулах шаардлагатай байна. Эмэгтэйчүүдийн эрхийн асуудлаар мөн ялгаварлан гадуурхагдаж байна гэсэн асуудал ч гарч байна. Энэ жил иргэний нийгмийн байгууллага, мөн байгаль орчны чиглэлээр үйл ажиллагаа явуулдаг хүний эрх хамгаалагчийн талаар судалгаа хийн ажиллаж байна. Хамгийн гол чухал асуудал бол төрийн зүгээс иргэний нийгмийн байгууллагыг анхаарах шаардлагатай болжээ.

Мөн сэтгүүлч Н.Өнөрцэцэгийн кэйсийг жишээ болгон татахад, хуулийн хүрээнд үйл ажиллагаа явуулж, олон нийтийн мэдэх эрхийг хангасан энэ үйл ажиллагаа нь хүний эрхийн хамгаалагч мөн байна. Хүний эрхийн хамгаалагчийн эрх зүйн байдлын тухай хуульд заасан үйл ажиллагааг явуулсан гэж үзсэн.

Хоёрт, хүний эрхийн хамгаалагч үйл ажиллагаа явуулж байхад нь тухайн сэтгүүлчид хамаарал бүхий хуулийн этгээдийн үйл ажиллагааг бүхэлд нь үндэслэлгүйгээр зогсоосон нь хүний эрхийн зөрчил байна гэж үзсэн. Олон иргэний мэдэх эрхийг зөрчиж байна. Шүүхээр гэм буруутай эсэхийг нь тогтоогоогүй байхад хувь хүний сэтгэл зүйн дарамтад оруулж байгаа нь Үндсэн хуулиар олгосон эрхийг нь зөрчиж байна гэж үзсэн” гэв.