Өчигдөр цахим орчинд "Өмнөговийн хилээр нүүрсний компанийн машинууд контейнероор их хэмжээний юань оруулж баригдав.” гэх гарчигтай мэдээлэл цахим орчинд тархсан билээ. Тэгвэл Цагдаагийн ерөнхий газраас их хэмжээний юань оруулж ирсэн хэргийг мөрдөн шалгаж байна гэв.
Тодруулбал, Эрүүгийн цагдаагийн алба, Хар тамхитай тэмцэх газар, Өмнөговь аймгийн цагдаагийн газрын хамтарсан Ажлын хэсэг тус аймагт ажиллаж, бэлэн мөнгө, мансууруулах эмийн түүхий эдэд багтах бодис зэргийг хураан авч, хуульд заасан үндэслэл журмын дагуу мөрдөн шалгах ажиллагаа явуулж байгаа юм байна. Энэ хэрэгт Ажлын хэсэг гарч хураан авсан мөнгөний эх сурвалж, мөнгөний эх үүсвэрийг тогтоохоор шалгалтын ажиллагаа явуулж эхэлсэн байна.
Албан бус эх сурвалжийн хэлж буйгаар сонгуульд ашиглах нэр бүхий хүмүүсийн мөнгө гэсэн тайлбарыг хуулийн байгууллагынханд өгсөн гэх мэдээлэл байна.
| Уншиж байна |