“Маск” продакшны нүүр царай болсон эмэгтэй жүжигчдийн нэг А.Гэрэлцэцэг яах аргагүй мөн билээ. Хошин урлагийн сайхан бүсгүйчүүдийн нэг гэгдэн олон жил олны нүдний өмнө ил тод амьдарсан тэрбээр хувийн амьдралдаа анхаарч ихрүүдийн ээж болж нам гүмхэн амьдрах болсон.

Уран бүтээлээсээ түр хөндийрсөн тэрбээр сүүлийн үед Гандантэгчилэн хийдээр эргэлдэж, эргэл мөргөл их хийдэг болжээ. Түүнийг харсан хүмүүс "Жүжигчин Гэрлээ маань гэгээрчээ, бурхан номын мөрт шамдаад завгүй байдаг болж" гэж ярьдаг болов. Өнгөрсөн долоо хоногт гэхэд Төв Гандантэгчилэн хийдэд хурсан том хурлыг даган баясаж эрхи эргүүлсэн шиг сууж байна. 

Тэгвэл жүжигчин бүсгүй маань сүүлийн үед ганц бие амьдралын талаар ихэд бичиж, эрчүүдийг үзэн яддаг болсон мэт байдал ажиглагддаг болжээ. Уг нь бол жүжигчин бүсгүйн хувьд Хан-Уул дүүргийн Засаг даргын орлогч Г.Батсайхантай хамтын амьдралаа эхлүүлээд удаж буй. Мөн түүнийг ганц бие ээж болсон гэх мэдээлэл ч гадуурх мэр сэр гарах болжээ.