Засгийн газрын ээлжит хуралдаанаас гарсан шийдвэрийг холбогдох сайдууд танилцууллаа. Энэ үеэр Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга Б.Дэлгэрсайхан түгжрэлийг бууруулах асуудалтай холбоотой сэтгүүлчдийн асуултад хариулав.

Тэрбээр "Одоогоор түгжрэлийг бууруулах ажил үргэлжилж байна. Энэ бол сонгуультай ямар ч холбоогүй. Мөн та бүхэн мэдэж байгаа, метроны ажлын хувьд зөвлөх компанийн тендер зарлаад дуусаж байна. Тендер дууссаны дараа гүйцэтгэгч компанийнхаа тендерийг тавдугаар сард зарлаж, цаашид ажил үргэлжилнэ. Тийм учраас Түгжрэлийг бууруулах үндэсний хороо ажлаа хийгээд явж байна. 

Мөн бүтээн байгуулалт болон торгууль түрээсээр түгжрэлийн асуудлыг шийдэхгүй юм байна. Тиймээс эрх зүйн орчныг нь дахиж  баталгаажуулж, дагаж мөрдөх ажлыг хийснээр түгжрэл тодорхой хэмжээгээр буурна гэж үзэж байгаа. Зохион байгуулалтын арга хэмжээ авч байгаа" гэх хариултыг өгөв.