Хүрээг  Монгол Улсын нийслэлээр тунхагласны 100 жилийн ойг тохиолдуулан Архивын Ерөнхий газар, Монголын Үндэсний музей, Нийслэлийн Архивын газраас хамтран “Нийслэл-Хүрээ 100 жил” сэдэвтэй архивын баримт, үзмэрийн үзэсгэлэнг 2012 оны 2 сарын 7-ны өдөр Монголын үндэсний музейд зохион байгуулна.

Уг үзэсгэлэнд байгууллага, иргэдийн гар дээр хадгалагдаж буй нийслэлийн түүхтэй холбогдох хосгүй үнэт, нэн үнэт, ховор нандин баримт бичиг, кино, гэрэл зураг, дуу авиа, дүрс бичлэгийн баримтыг сонгон шалгаруулан тавьж олон нийтэд сурталчлах гэж байгаа юм байна.